[د/بسمة الاسلام]

المشاركة الأصلية كتبت بواسطة sunsero2000

بسم الله الرحمن الرحيم

كل سنه وانتو طيبيبن وعيد سعيد عليكم ان شاء الله

امبارح حصلت ليه حاجه كده قلت اعرضها عليكم عشان تشوفو الدماغ وصلت لحد فين

كنت خرج من الاستاد من تدريب 3 ساعات وطالع مدغدغ طلعت روحت وراكب الاوتوبيس كله كان قاعد الحمد لله وكانو ناس كبيره معظمم
دخلت واحده ووقفت جمبى طبعا من باب الزوق تقولى ليه انى اقوم عشان هيه تقعد
بس انا والله كنت تعبااااااااااااان ومكسر ورجلى ملويه ومش قادر اقف
هيه بقه طول الطريق تلقيح مع الست اللى قاعده وراها
ياختى مش عارفه ايه الشباب اللى مش عنده دم ده
قاعد وواخد راحته وسايبنى واقفه قطعو الشباب وكلام من اللى قلبكو يحبو
انا قاعد ساكت ........طبيعي جدا
لحد ما قالت اكيد اخت او امه هيتعمل كده فيها

رحت مكلمها قولتها يا امى لازم نراعى ظروف الناس
انا شايفك الحمد لله صحتك كويسه
انا شاب صحيح بس تعبان ولسه خارج من تمرين ورجلى تعبانه ومش هقدر اقف
قالت يعنى لو كنت قادر هتقف يعنى انتو جيل معندكوش دم
قلتها انا اللى مش عندى دم بردو وسكت

حلوه الحدوته
ولا كنت ترد عليها كنت تسيبها تكلم نفسها ربنا يهدي




ياترى اى حد مكانى كان هيعمل ايه
ولا كأنه سامع حاجة
وللدرجه دى بقت الحاجت اللى هيه بتكون من باب الزوق بقت فرض
وللدرجه دى بقى الناس مش بتفكر الا فى الحاجات الوحشه ومش بتفكر فى اى اعذار تانيه

مع ان فى واحد انا مش فاكر اسمه قال
علينا افتراض حسن النيه فى الاخرين حتى يثبت العكس

انا غرضى من الموضوع ده اننا نراعى ظروف بعضنا مش معنى ان لاواحد يكون شكله كويس يكون فتوه ووحش
ياعالم فيه ايه من جوه
والموقف ده فكرنى بمشهد تانى واحد سال على بابا الله بيسال واحد فى الشارع الراجل منه الله بيقوله مانت زى الوحش اهو شوفلك شغلانه
يا اخى انت عارف هو فيه ايه من جوه
كفايه كده اصلى تعبت من الكتابه



انا عاوز رايكو فى الرغى ده

ربنا يهدينا جميعا