يا جماعة سيبكوا من تصريحات الوزير لاننا بصراحة من يوم ما اشتغلنا في التعليم واحنا بنسمع التصريحات دي وللاسف كلها مجرد تصريحات ولا اي حاجة بتتحقق وياريت مفيش حد يتخلى عن حملتنا ويتفائل لمجرد تصريح لسيادة الوزير الهمام
احنا شبعنا تصريحات ......... ولازم نكمل للاخر لاننا بدانا معا وسنكمل معا ان شاء الله
وفعلا موضوع خريجي تربية عام موضوع مهم وحيوي جدا لاننا للاسف معظمنا بيعاني من المشكلة دي بس ياريت نركز في اهدافنا الرئيسية للحملة ....... يعني انا على سبيل المثال خريج تربية عام وللاسف عقدي ابتدائي وعمري ما اشتغلت يوم واحد في الابتدائي وكل سنة بعمل انتداب للاعدادي
بس لازم نركز ونكمل للنهاية
لاننا بدأنا في استقطاب بعض المجموعات والحركات على الفيس بوك لمساندتنا وبالفعل بدأوا في الانضمام لنا والتواصل معنا
وربنا معانا من اجل استرداد حقوقنا
|