السلام عليكم
اى حاجة فيها مناقشة انا موجود فيها باذن الله
احكيلكم قصة طريفة شوية ليست على لسانى - التزاما بالصدق-
كنت فى المدرسة- وساعتها وانا صغير كنت قريب من ربنا كتير عن دلوقتى
ربما كانت الحياة زى ما بيقولوا ناشفة
ولا كمبيوتر ولا دش ولا تلفيزون محترم-
لما حكيتلنا ابلة الدين حكاية عن الصدق وكيف ان الصدق منجاة
اضعت المفتاح او مبلغا من المال لا اذكر تحديدا فى ذلك اليوم
حزنت كثيرا وخفت ان يعاقبنى والدى او والدتى
قلت ان الصدق منجاة ولابد ان اخبر امى عن الموضوع
اقتربت منها ببطء وحدثتها حديث المعلمة تماما
قالت لى: ربنا يبارك فيك ويحفظك يا رب
قلت لها: امى ,,,لقد اضعت المفتاح
وساعتها انضربت حتة علقة
لما كبرت فهمت بقى ان الضرب ده كان للتذكرة
وفعلا هو منجاة بس من زاوية اخرى
بمعنى عندما يضيع منى المفتاح اليوم واصدق واّضرب
عندما يأتى الغد اتعلم كيف احافظ على اشيائى والتى قد تكون اكبر من اى مفتاح
نأتى للصدق فى حياتنا
فى حياتنا اقدر اقول انى انا ببقى صادق تقريبا بنسبة 70%
لا اريد ان ابالغ او اقلل قدر نفسى
اجاوب بقى على اسئلتك
الصدق حاليا خارج نطاق الخدمة او اوف لين على رأى اينشتين زيه زى حاجات كتير
كيف اراه
فى الحياة الان
اللى بيقول الحق بياخد على دماغه حاليا
وكلنا شايفين وعارفين وسامعين
وده مطلوب لاصلاح المجتمع
فلو سكت الكل التصقت ايديهم بالتراب جميعهم
اما اذا تكلم فرد او اثنان فهذا وضع مختلف تماما
وارجو منك رجاء صغير يا دكتورة فلور لو عايزة الموضوع يبقى حلو
خاصة ان قسم الفلاسفة عامل زى سياحة دبى وسياحة القاهرة
تابعى الموضوع قدر الامكان
شكرا على اهتمامكم يا جماعة
|