اقتباس:
المشاركة الأصلية كتبت بواسطة nogha
اهلا بجضرتك drkareemahmed
هما فعلا للأسف قليلين بس القسم ده فوووووووووق الممتاز ما شاء الله و دراسته جميلة للى بيحب الجيولوجيا و يحب يكون مهندس بترول
الله الموفق
اخونا drkareemahmed
واضح من كلام حضرتك انك خبرة فى القسم ده فياؤيت تبدأ تعرف بيه و تقول كل حاجة عنه لأن معانا هنا اخواتنا الجداد و كانوا بيسألوا عن القسم و بصراحة الواحد كان زعلان انه مش قادر يفيدهم بس الحمد لله اهى فرصة
اولا
اخونا eng...lido
كان بيسأل
اقتباس:
ياريت تطمنوا حضرتك لو عندك علم بالموضوع ده
كمان اختنا برده جديدة كانت بتسأل لو فيه بنات فى القسم و ايه مجال شغل البنات؟
ياريت كمان حضرتك تقارن بين قسم العلوم الطبيعية و الجيولوجيا من حيث المواد و الشغل و كل حاجة
آسفة و الله تقلت على حضرتك بس و الله كله علشان اخواتنا الجداد
و جزاك الله خيرا
|
لا ما فيش تعب و لا حاجة انا تحت امر اى حد عاوز يعرف حاجة فى القسم دة
بخصوص الاخ اللى بيسال عن التقدير بتاع الجيوفيزياء
احب اقولك ان علوم اسكندرية دلوقتى شغالة بنظام الساعات المعتمدة
و النظام دة بيكون الاقسام ماشى بنظام المعدل التراكمى
و الجيوفيزياء السنة دى خدت 2.75 يعنى زى تقدير جيد //
و اقولك حاجة كويسة
انت لو دخلت جيولوجيا / كيمياء حيكون ليها مجالات شغل اوسع
لان بتوع جيوفيزياء مش كلهم بيشتغلوا يعنى عندك السنة اللى فاتت 28 طالب متخرج من الجيوفيزياء و 3 اللى اشتغلوا
و انت لما تخلص ممكن تاخد دبلومة جيوفيزياء 6 شهور
و تكون ضربت عصفورين بحجر واحد و مش يبنفع العكس
و بالنسبة للاخت اللى بتسال عن مجالات شغل البنات فى القسم دة
مجالات شغل البنات فى القسم دة
انتى بيكون لى انك تشتغلى فى شركات البتروكيمايات و البترول و الادوية
و دة يعنى مش يعتبر متعب بالنسبة للبنات و لا للاولاد كمان
و لو قارنا بين مواد العلوم الطبيعية و الجيولوجيا
مواد العلوم الطبيعية ( كيمياء - رياضة - فيزياء - حاسب الى - " بجانب المواد الفرعية زى اللغة ... إلخ" )
مواد العلوم الجيولوجية ( كيمياء - مقدمة فى كل من " البنات - الحيوان - رياضة - فيزياء " - " بجانب المواد الفرعية زى اللغة ... إلخ" )
لان فى قسم الجيولوجيا بيكون كل التركيز على الكيمياء و الجيولوجيا حوالى 90 %
و الفيزياء للى فى جيوفيزياء
و بالتوفيق للجميع