[أسيل رزق]

المشاركة الأصلية كتبت بواسطة شريف الخضري

هههههههههههههههههههههه
جميل يا مها بجد الموضوع ده
من احلي المواضيع اللي شوفتها
طبعا مفروض يتنقل للمواضيع المميزة ولا ايه ؟
ايه
بس موضوع لذيذ بجد
انا طبعا لسه هرجع وارغي
بس هو سؤال كده لفت انتباهي

سيد مين ؟
ابن أم سيد و أخو شوقية و أشهر سواق ميكروباص فيكى يا عمرانية

المشاركة الأصلية كتبت بواسطة شريف الخضري

احم

ازيك يا حاجة مها

الحمد لله يا حاج شريف
انا قولت ارغي شوية عشان الواحد زهقان من الاشراف بعيد عنك
انا كنت هقول رد الحاجة ياسمين بس هي علي طول كده بتسرق افكاري
اها معلش إستحملها .. زى أخوك الصغير
احب اقول بس حاجة ردا علي كل واحد رد ع الموضوع و قال ان السبب في كده الحكومة او المرتبات او كده
ان دي نظرية غلط ومش تمام
يعني هما لو زودوا المرتبات او اهتموا بيهم اكتر من كده هيهتموا بيا
طبعا ولا هيحصل
اها و الله قلتلهم كده .. محدش سمع كلامى
طيب اقولك علي حاجة ووالله لولا ان كلنا كنا شباب والراجل خاف كنا اتبهدلنا
كنا رايحين مع واحد صاحبنات نعمله حاجة كده في الجوازات
ياربي علي اللي حصل
و الراجل بيتكلم باسلوب مش محترم
محسسنا ان احنا جايين من الشوارع
قولتله فيه ايه انت بتتكلم كده مع مين و قلبناله المكتب
وحياتك المصلحة دي تمت في عشر دقايق فقط لا غير مع الاعتذار
شوفتي بقا
ولا يوم لما روحنا نقدم لكلية العواطيلة
احم كلية الهندسة
المهم روحت مع3 اصحابي روحت لقيت واحدة قاعدة هناك عشان التقديم و كده
قولتلها عاوز اقدم قالتلي اصبر صبرنا ربع ساعة وقولتلها تاني
فلقيتها منفسنة قولنا نرخم عليها بقا لان كان عندنا كبت رهيب
كان معاها قلمين والله اخدناهم و معرفت تتكلم
تاني حاجة واحد قالها يا مدام قالتله لو سمحت انسة
قالها بصي يا مدام
ولا الدوك النفساني بتاع الكلية
بجد منفسن منفسن جدا
دكتور تتخ تتخ
روحناله قالنا اطلعوا بره خالص
فا انا بصيتله كده قالي فيه حاجة اطلع بره مش عاوز زحمة
قولتله اقفلك الباب وانا خارج وافوت بكرة ولا ايه
كانت شكلة كبيرة بس العيال هدوه وبتاع
بس اقولك حاجة
ليه لما يبقي هو منفسن عليكي مش بترخمي عليه
علي فكرة والله حاجة لطيفة
طيب هقولك علي موقف حصل معايا بجد واتضايقت اوي منه
روحت عشان اعمل اللي متتسمي البطاقة
المهم روحت و تمام و روحت لواحدة قاعدة هناك
قولتلها اعمل البطاقة ولا هي هنا و عمالة تتكلم مع اللي جنبها و تقولها علي دروس حمادة ابنها اللي في ثانوي
ولا علي حلة المحشي اللي عملتها اول امبارح
ولا علي فوزية بنت اختها
بعيد عنك اللت و العجن اللي بيحصل
قولتلها تاني بصوت عالي شوية عاوز اعمل البطاقة قالتلي اصبر يا حبيبي
قولتلها ياست خلصيني الله يرضي عنك
قالتلي طيب ثواني
لقيتها قامت انا فكرتها هتعملي حاجة او ورق او كده
لقيتها راجعة بكباية شاي ولبن
ياربي والله كنت عاوز ارميها في وشها
والله قولتلها اجبلك قرموشتين
ناس صعبة والله
ههههه معلش حقلك عليا أنا
كنت ناوي ارغي والله جامد بس انا زهقان طهقان
هجيلك تاني يا حاجة مها
البيت بيتك يا بشمهندس
بجد موضوع من احلي الموضوعات
المفروض يتنقل للمواضيع المميزة
احييكي عليه يا حاجة مها
الله يخليك يا حاج شريف .. دا شرف ليا إن الموضوع عجبك
بس خليه هنا أحسن .. أنا مش شيفاه مميز ولا حاجة .. خليه يلم زباين
يلا كفاية
في امان الله

أول مرة ألاقى رد من الحجم الجامبو للحاج شريف الخضرى
و فى موضوعى كمان يزيدنى شرف
نورتنا يا بشمهندش