يا جماعه ملهاش لازمه عمل مقارنات بين الكليات
وخصوصا بين صيدله وعلاج طبيعى لأن مفيش فرق بينهم اصلا همه بيدرسوا مواد واحنا بندرس مواد تانيه مختلفه عنهم تماما وان كان هناك مواد مشتركه فهذا ليس مبرر لعمل مقارنه
يعنى بلاش عمل مقارنه لأننا مش هنلاقى وجه مقارنه دا مجال ودا مجال
بس انت الوحيده اللى تقدرى تحكمى يعنى هتسألى دكتور صيدلى هى مين الاحسن اكيدهيقول صيدله
هتسألى اخصائى علاج طبيعى هيقولك اكيد علاج طبيعى يعنى مش هتطلعى بحاجه غير الحيره اكتر
لكن شوفى انت بتحبى تدرسى ايه واحنا على الاساس ده نقدر ندلك يعنى مثلا هتقولى بحب الجراحه والتشخيص وكده
اقولك طب بشرى ...... تحبى تدرسى مواد طب بجانب المواد الخاصه بصيدله (يندرج تحتها اقسام كتير وتخصصات) يبقى اقولك
صيدله طبعا
تحبى تدرسى مواد طب بس بتخصص معين الا وهو تخصص العلاج الطبيعى ( طلبه علاج طبيعى همه اللى يوضحوا الجزء ده)
يبقى اقولك علاج طبيعى
على العموم اللى اقدر اقولهولك شوفى انت عايزه تعرفى ايه عن صيدله ومجالاتها وانا تحت امرك
واطلبى من طلبه علاج طبيعى نفس الطلب وشوفى ايه اللى تحبيه لأن دى حياتك واختيارك ده هيتبنى عليه حياتك الجديده
|