أولاً : الف مبروك للباشمهندس بلال اللي ح يبقى زميلك في الكهربا .... انا بجد فرحت له لأنه صمم على حلمه و علشان كده ربنا كرمه علشان تعب علشان يوصل لتحقيق حلمه ده ... ربنا يوفقكم كمان و كمان ..
ثانياً : يمكن انت في هندسة ماتدراش بالتنسيق ... ترتيب كليات علمي رياضة بتبقى كالتالي :
هندسة البترول - الهندسة - الفنون الجميلة ( عمارة ) - الحاسبات و المعلومات - العلوم (رياضة) ....
و حدثت في عدد قليل من السنين ان حاسبات ومعلومات كانت بتاخد اعلى من هندسة , لكن الكلام دا كانت الكلية لسه طالعة جديد , فكان الاقبال عليها كتيير ...
و تقريباً مجموعها نزل الايام اللي فاتت دي لأن كليات الحاسبات و المعلومات محتاجة اعداد كتييييير علشان موضوع النقابة اللي هما عاوزينها تتعمل ....
ثالثاً :
كلية الفنون الجميلة موجودة في تلات اماكن و بس ( حلوان - اسكندرية - المنيا ) ... علشان كده مش مسموع عنها قد كده , لكن شهرتها عالية لأنها أقدم من كلية هندسة كمان .... زائد ان مجموع اعداد الطلاب في التلات اماكن دول لا يتعدى ال 700 طالب و طالبة ...
رابعاً :
المستقبل يا جماعة بإيد ربنا ... مشكلتنا ان احنا بنفكر في الشغل من قبل ما ندرس اصلاً ... و ده غلط جداً , احنا لازم ناخد الموضوع واحدة واحدة ...
معلهش يعني ... اكم من الناس خريجي هندسة ميكانيكا و كهربا و حاسبات و ... و ... و ... قاعدين مبيشتغلوش .... ليه ؟
لأنهم مش متميزين .... مكملوش من بعد البكالوريوس انهم حتى ياخدوا ماجيستير و لا دكتوراه ... كسلوا و وقفوا عند البكالوريوس من غير لا كورسات و لا يحزنون ....
يمكن ح تقول ان كلامي غلط ... لكن صدقني الشركات اليومين دول بتدي الاولوية للمتميز ... المتميز و فقط ...
و الكلام ده مش لهندسة وبس , لأ , ده لكل الكليات ....
لازم نؤمن يا جماعة ان في ربنا ... ربنا هوا اللي بيسهل و هوا اللي بيكرم للي تعب و شقي ... للي حاول و اجتهد ... و صدقوني ربنا كريم غفور , لما يلاقي التعب ده , صدقني ربنا بيرزقك ... و ح تلاقي الشغل جه لحد عندك و انت مرتاح ....
----------
جزاكم الله كل خير و ربنا يوفقكم
و اي استفسارات أنا موجود إن شاء الله