[أميرة الحب]

المشاركة الأصلية كتبت بواسطة mkaa2008

يا ستى ولا يهمك
زوديها براحتك وانا راضى ... ربنا يخليك ده من ذوقك ..
شوفى يا ستى
بالنسبه لاختيار التخصص
فى سنه اولى عندك 3 تخصصات
علوم فيزيائيه وعلوم بيولجيه وعلوم جيولجيه
تمام ؟؟؟؟؟؟؟؟؟؟
لو دخلتى علوم فيزيائيه يبفى فى سنه تانيه تلاقى عندك اختيارين بس
1- فيزياء وكيمياء
2- فيزياء ورياضيات
لو اخترتى فيزياء ورياضيات يبقى فى سنه تالته تختارى ما بين :
1- رياضيات خاصه
2- فيزياء خاصه
3- حاسب
دا طبعا لو جايبه جيد فما فوق فى مادة التخصص ( ان شالله تكونى من اهل الامتيازات )
بس
دى كل الاختيارات وبس

المشاركة الأصلية كتبت بواسطة mkaa2008

يعنى اختيار تخصص الحاسب فى سنه تالته مش اولى
يبقى انتى ليه تاعبه نفسك من دلوقتى ؟
انسى الحكايه دى الان وركزى على انك تجيبى تقدير كويس
ولما توصلى سنه تالته هتكونى فهمتى الكليه والنظام وعرفتى الدنيا ماشيا ازاى ؟
وهتقدرى تختارى كويس واحنا طبعا مش هنسيبك
اكيد هنساعدك فى اختيارك ان شاء الله

المشاركة الأصلية كتبت بواسطة mkaa2008

بالنسبه لحكاية اللى درسو احياء فى ثانوى دى مش مشكله خالص
من الاخر مفيش علاقه بين دراستك فى ثانوى ودراسة الجامعه
وبعدين هتلاقى ناس كتير درسو احياء وتلاقيهم معاكى فى علوم فيزيائيه بيدروسو رياضيات
دى مش مشكله اطلاقا
كل الفرق بس ان اللى درسو احياء فى ثانوى بيتعبو شويه فى الترم الاول علشان ما اخدوش تكامل مثلا وما يعرفوش شكله وما درسوش محددات مثلا والكلام دا بس بعد شويه بيتأقلمو وبيبقو زى الفل
وخلاص

المشاركة الأصلية كتبت بواسطة mkaa2008

صعوبة الشغل سببها انه الدراسه كلها اكاديميه يعنى بتتعاملى مع الحاسب بشكل علمى اوى
يعنى ينفع تعملى بعد كدا ماجستير ودكتوراه فى اشياء دقيقه فى الحاسب
بصى
مش عارف اوضح النقطه دى اوى بالكتابه
لكن لما هتدخلى هتعرفى الفرق بين دراسة هندسه عموما ودراسة علوم .
والنوع دا من الشغل مش مطلوب اوى فى مصر كلها غير فى الدراسات الاكاديميه
بالنسبه للشغل فى شركات الحاسب غالبا بيفضلو هندسة حاسب ، ولو اشتغلتى فيها هتبقى درجة تانيه برضه
بس لو مصممه تدخلى حاسب مفيش مشكله
كل اللى عليكى انك تجيبى جيد جدا على 80 % و تقدمى فى جامعه خاصه هيقبلوكى مليون فى الميه
واعلاانات المعيدين فى الجامعات الخاصه لا تتوقف صيف ولا شتا
يعنى شغاله شغاله لكن شغل اكاديمى
وبينى وبينك دا افضلك كبنت
وانا انصحك بدا يعنى
وعلى فكره بالنسبه لحكاية التقسيمات اللى انا قلتها دى خلاص اتلغت طبعا بعد تطبيق نظام الساعات المعتمده ومعرفش بقت ازاى ؟
لكن بالتأكيد التخصص ما زال فى سنه تالته
و علشان كدا ما تشغليش نفسك من دلوقتى بالموضوع دا
المهم تجيبى تقدير كويس اوى
وربنا معاكى يا بنتى ( هئ هئ)

انا مش عارفة اقولك ايه .. حقيقي ربنا يكرمك
انتا مخلتش حاجة تانية أسألك فيها
تقريبا قولت كل حاجة وافدتنا فعلا
وبالنسبة لموضوع قسم الحاسب فإنتا ريحتني نفساوياً جدا بجد
إن شاء الله هركز اني أجيب 80 % على الاقل ( جيد جدا ً ) عشان اضمن مكاني مابين المعيدين في الجامعات الخاصة.. يعني هحاول اموت نفسي ان شاء الله
وربتنا يوفقنا جميعاً يارب .. و يوفقك ان شاء الله في الماجيستير
ميرسي مرة تانية وربنا يارب يبارك فيييييييييييك