أكيد كلكوا عندكوا حق بس انا مع ميستر نعيم فى كلامة
انهم ما يقدروش يوقفوا التعليم خالص هما احتمال يخلوا 3 ايام نروح 3 ايام نغيب
وعلى فكرة المرض هينتشر انتشار واسع جدا بين طلاب الجامعات وده لاننى عددهم كبير يمكن فى المدارس ممكن العيال
تغيب وما تروحش المدرسه وده عادى بالنسبة لطلبة المدارس
لكن بالنسبة لطلاب الجامعات موش عادى لانى كل محاضرة فىها حاجات مهمة ولو الطالب ماراحش حضر المحاضرة
الدكتور ممكن ياخد غياب وممكن لو محاضرة غابها الدكتور بيجيب منها فى الامتحان
بجد ربنا يستر على طلاب الجامعات .
ملحوظة فى خبر طلع وانا سمعته موش عارف اذا كان صح ولا لأ ولا دى اشاعة طلعت:
الحبر بيقول: انه من المتوقع فى فصل الشتاء وفاة مليار شخص بسبب انفلونزا الخنازير !!!!!!!!!!
واذا كان الخبر ده صحيح يبقى كده الدنيا خلصت خلاص.
وياريت الشعب المصرى عندنا واعى وفاهم لخطورة المشكله دى
لكن ياعينى عليه هوا شعب طيب بطبعة ؟
فى حل صغير جدا يمكننا ان نواجه به انفلوزا الخنازير وبقوة ان شاء الله
الحل: كالتالى : فيها ايه لو اصدرت السلطات العليا امر بمنع دخول اى موظف فى شغله او تلميذ فى مدرسته او طالب فى جامعته
الا بالكمامه اللى بجد انا شايف انها هتمنع عننا بلاوى سودا لسه جايه فى الطريق .
لكن للأسف اى واحد دلوقتى بنشوفه لابس كمامه تلاقى الناس كده بتبصله باستحقار ؟
علشان احنا فى طبعنا وفى دمنا الحته دى ****
هههههههههه
معلش طولن عليكوا لكن انا حبيت القى الضوء على الاخطار التى ستنتج نع وجود حل وسط لها.
|