[..Just Stop]

بعد فاصل طويل امتد لساعات نعود اليكم من جديد
نبدأ من حيث انتهى الاخرون
جت لحظة الانطلاق وركوب التاكسى
وقفنا تاكسى
وبما ان انا واسلام واللورد نقدر نقعد على كرسى واحد وحنا مستريحين فاترمينا فى الكرسى الورانى
وطبعا الاسطورة راكب ادام جمب سوا التاكسى محدش اده ياعم
السواء على شماله شباك التاكسى على يمينه احنا وراه طالع عنينا
مش عارف ساعتها كنا بنتكلم فى ايه
المهم قبل مانوصل للمطعم بشوية
سواء التاكسى الظريف الخفيف ابو دم يلطش
بص للجامعة والخضرة والنخل
وسئل سؤال عويص محدش قدر يجاوبه
لانه مينفعش يتجاوب قبل الفطار
فقولناله هنجاوبه بعد الفطار
اللى يعرف السؤال يقوللى الاجابة بقا فى رسالة خاصة
ومحدش يقول السؤال ايه علشان مش عايز اتغابى على حد
طبعا وحنا راكبين التاكسى
عدينا على كنتاكى ثم مؤمن مرورا على كوك دور
وفى النهاية مطعم جرين كورنر
وجه وقت الحساب على التاكسى قبل النزول
الاسطورة معاه عشرة جنيه تقريبا مكنش معاه غيرها
فالسواء قاله عايز فكة طبعا انا كنت اتسحبت ونزلت ووقفت فى جمب
الاسطورة طلع الفلوس اللورد زيه طلع هوبا اسلام طع واسلام جاب جون واتدبس بردو فى التاكسى
ونزلنا ودخلنا المطعم
فى وشك علطول بدل وكرفتات ناس نضيفة نضيفة يعنى
وروحنا فى الركن البعيد الهادى بعيدا عن الباب مش زى ماقالو جمبه علشان الهروب
على اليمين قعد اسلام قصاده علطول الاسطورة ومابينهم اللورد ونا قصاده
منتصف الملعب طرابيزة صغيرة كدا على اد حالها اد طبقين تلاتة كدا
قصادنا علطول كان فى جروب من البنات الحلوين اللى يقرفو دول محدش ليه دعوة بيهم
فوقهم TV اسلام واللورد والاسطورة طبعا كان بيبصو
على ال TV ناس صايمة بقا
وفى الوقت دا اسلام يبص يمين شمال لقا اللاب توب فقال اما نعمل موضوع نتسلى فيه على بال ما المغرب يأذن
عمل الموضوع دا وجه الراجل النضيف ابو كرافتة وزع علينا ورق فكرته بيطلب تبرعات لدار ايتام طلعت قائمة الوجبات
هناكل ايه يا جماعة هناكل ايه
اللورد مش عارف قال ايه كدا وقال دا ارخصهم
طبعا احنا عايزين ندبس اسلام واللورد بيسترخص

المهم وجبتين فراخ واتنين كفتة وكانز وميه معدنية وكلام فاضى

لحد هنا تمام
للمزيد تابعونا فى الرد القادم
فقط تابعونا
دمتم فى رعاية الله