[ymymym]

النهارده قلت اعملكم قطايف طبعا انتوا هتجيبوها من بره والحشو هقولكم عليه

اولا فيه طريقتين بالقطايف
الاولي والمعتاده طبعا انك بتمسكي قطايفيايه واحده بس وتحشيها وتروحي تنياها نصين اللي هي المعروفه
التانيه بقي انك بتجيبي قطفتيتين وتحشيها وتروحي لازقاهم في بعض يارب تكونوا فهمتوها يعني زي كانك حاطه كفين ايدك فوق بعض هتعملي القطايف كده برضه
المهم الحشو بقي :
ممكن نعمل حشو فراخ بتجيبي الفراخ بتاعتك بعد ما بتتسلق طبعا
بتجيبي طاسه بتحطي بصلايه فيها مقطعاها حتت صغيره خالص وتجيبي طماطم وتقطعيها حتت صغيره خالص وتقلبيهم في بعض وتحطي سنه فلفل اسود وسنه ملح وتقلبي لغايه ما يدبلوا خالص وبعد كده تجيبي الفراخ وتحطيها عليهم وتسيبيها لغايه ما تدبل هي كمان وتقفلي عليها بعد كده بتجيبي القطايف وتحشيها بالحشو ده
وتكوني مجهزه طاسه فيها زيت بيكون قدح وتحطي القطايف فيها بس تسيبي النار واطيه عليها قوي عشان متتحرقش وتروحي حاطه القطايف فيها وتطلعيها دهبيه لانه بعد ما بتطلع بتبقي لونها غامق شويه لما بتسيبيها في الجو وتبقي حلوه قوي

نيجي للحشو التاني بتجيبي طبق تحطي فيه قطعه جبنه قريش صغيره وقطعه جبنه حادقه او جبنه قديمه هي اسمها كده وبعد كده تروحي حاطه عليهم قالب جبنه مثلثات وتحطي بقدونس مقطع حتت صغيره خالص برضه وتدعكيهم بالمعلقه وتقلبيهم في بعض وبعد كده تحشي القطايف وتقليها زي اللي فاتت بالظبط
الحشو التالت بقي باللحمه نفس طريقه الفراخ بس الفرق ان بدل الفراخ هتبقي لحمه
وبالهنا والشفا