[الأستاذة هدى]

لن اقول موضوع رائع
موضوع جميل
فهو اكبر من هذا
هو موضوعنا الأساسى
مجيئنا للدنيا وخروجنا منها وحسابنا عند الله تعالى

لا تستعجب ان قلت لك انى جربت ان اعيش لحظة يوم القيامة فعليا
قد تستعجب لكن هذا ما احسسته للحظات فلا ادرى ماذا كنت انا فاعة ان كنت حقا
اقص عليكم تفاصيل تلك اللحظات

كنت نائمة ذات يوم وحدث تسريب فى الغاز عند الجيران بالطابق الأسفل منا ، فأيقظتنى امى بطريقة صاخبة "قومى ... " وماركزتش هى بتقول ايه يمكن كنت تعبانة شوية ، يمكن اتخضيت ؟؟؟!!! المهم ما ادركه عقلى ان امى قالت : "قومى يوم القيامة قام "!!!!!!!!

طبعا انا سمعت غلط خالص غير اللى هى قالته ، فقمت مذعوزة من نومى اجرى احمل ابنتى كانت وقتها شهرين تلاتة كده حملتها تحت ابطى وكأنها دمية وجريت على الباب انزل الشارع لأحاسب وتذكرت انى بملابس البيت ، طب هانزل الشارع ازاى بهدوم البيت ؟؟ رجعت تانى للأوضة لأغير ملابسى وانزل بلبس خروج ؟؟؟ ثم تذكرت انه لا وقت القيامة قامت !!!!!!!يعنى البيت هيقع والدنيا هتتقلب ومش هالحق اغير !!!! جريت تانى على الباب لأنزل لاء ما ينفعش انزل كده مهما كااان ؟؟؟ رحعت تالت للأوضة وشديت كوفرته كانت على السرير عليا لاتستر بها وخلاص ثم تذكرت ان يوم القيامة يحشر الناس عرايا ؟؟ يعنى هدومى والكوفرتة لن يسترنى غير عملى امام الله !!!!!!!
الصراحة كنت فى حالة غريبة جدا قمة التخبط واللخبطة وغلبت اعمل ايه فضلت اضرب كف بكف واقول لماما : " خلاص القيامة قامت ... خلاص هنعمل ايه ؟؟؟ هنلبس ايه؟؟ هننزل ازاى؟؟؟؟ هنقف قدام ربنا نقول ايه؟؟؟؟؟؟؟؟؟؟؟؟؟؟؟

طبعا ماما كانت بتضحك عليا جدااااااا وتقولى : قيامة ايه؟؟ بأقول تسريب غاز فى العمارة !!!!!!!!

فين وفين على ما كنت فوقت م الخضة وكانت مرت لحظات عصيبة ارجوا ان اكون نقلت صورتها لكم جميعا
وطبعا مرت الايام وانطبق علينا قول الله تعالى : "اقترب للناس حسابهم وهم فى غفلة يلعبون " صدق الله العظيم

لكن ماهى العبرة؟؟؟ وماذا كنت ستفعل لو كنت مكانى واستيقظت ومامتك بتقولك "القيامة قامت "؟؟؟؟؟؟؟؟
وهذا المقال مازال يطرح نفسه ويدعونا لإجابة هذا التساؤل ؟؟؟؟

ماذا ستفعل لو قامت القيامة ؟؟؟؟؟؟؟