باختصار اقسام حاسبات القاهرة :
- علوم حاسب
- نظم معلومات
- تكنولوجيا المعلومات
- بحوث العمليات و دعم اتخاذ القرار
علوم حاسب هو القسم اللي الطلب عليه يكتر , لانك بتطلعي منه مبرمجة ....
بس بيتقال لك يا باشمهندسة ... يعني ماتخافيش من اللقب ...
طبعاً علوم حاسب = مبرمجة كمبيوتر و بس ...
تكنولوجيا معلومات = مبرمج شبكات .
نظم معلومات = ادارة قواعد البيانات و نظم الشبكات
دعم اتخاذ القرار : ده بقى بتاع الحكومة , ازاي تحطي خطط الكترونية لوزارة او لشركة حكومية او او ... بس طبعاً عايز واسطة ..
اما باقي الاقسام , فمش محتاجة وسايط , لان الشركات بتيجي لحد عندك ...
و اعتقد ان اول تلات اقسام موجودة في كل كليات الحاسبات و المعلومات ما عدا :
- عين شمس : فيها قسم اسمه نظم الحاسبات و ده بيعلمك ازاي تربطي البرمجة بالهاردوير , و ده قسم ممتع جداً لانك بتاخدي حبة صيانة على حبة برمجة , بس طبعاً الاولوية للبرمجة .
كذلك فيها قسم اسمه العلوم الاساسية , و ده سيبك منه رغم ان مواده ممتعة , الا اني لا اعلم بتشتغلي ايه بعدها .
و فيها قسم خاص بمصروفات فوق الـ 12 الف جنيه في السنة و اسمه : نظم المعلومات الحيوية Bioinformatics , و ده قسم خاص و مميز جداً
طبعاً لو انت علمي رياضة لازم ح تاخدي احياء و كيميا في سنة كاملة , و لو انتي علمي علوم يبقى ممكن تدخلي القسم ده بس لازم تاخدي رياضة 2 في سنة كاملة برضه ...
طبعاً القسم ده جديد و مميز في دراسته , لانه بيعلمك ازاي تبرمجي الشرايح الالكترونية المستخدمة في علاج الانسان من اشد الامراض زي ما عمل الدكتور : مصطفى السيد لما اخترع طريقة لعلاج السرطان بتكاليف غير باهظة ...
اما في حاسبات حلوان ففي قسم واحد بس جديد و هو هندسة البرمجيات , طبعاً ده قسم خاص و بفلوس بس مش عارف كام , الا اني عرفت بقى ان لقبك الوظيفي ح يكون مهندس برمجيات فعلاً و طبعاً القسم ده مش موجود غير في جامعة حلوان و بس
بافكر ادخله , رغم انك مش ح تنضمي لنقابة المهندسين لان دراسته 4 سنين ..
و على فكرة كلية حاسبات حلوان شغالة بالنظام البريطاني اللي هو : الساعات المعتمدة و نظام GPA على عكس جامعة عين شمس ...
و دي ميزة في حاسبات حلوان ...
و بالنسبة لقسم هندسة برمجيات , فده بتاخدي فيه مواد من علوم حاسب ( برمجة الحاسبات ) على ماود من تكنولوجيا المعلومات ( برمجة شبكات ) على نظم معلومات ( ادارة النظم ) ..
م الآخر ... برمجة من كله ...
بس , اما باقي حاسبات الجمهورية ففيها اول تلات اقسام ....
دي كل معلوماتي ...
|