اقتباس:
المشاركة الأصلية كتبت بواسطة بنوته اهلاويه
هههههههههههههههه
ماشي يا سمنه النخلتين منوره منوره بجد
وبعدين احنا متعلمين ع ايدك يا معلم
بكاشة 
احم
هى فاسده خلقه
سبيها ع الله
***
امم
سيداتى سيداتى سيداتى بردو
منورنا فى اولى الحلقات مع اجمل الوزيرات
الست الحاجه مها
طبعاً منعاً لتضييع وقتكم الثمين الثمين فى المقدمات الطويله
لأن عارفين الناس عاوزه تمشي عشان المسلسلات
اللى بقت اكتر من القنوات الفضائيه نفسها
بس ماعلينا
*** معاكى الميك يا حاجه مها سمعينا أحلى صدا صوت
سسسسسسس .. واحد اتنين تلاتة ألوووووو
فراشة الحاج مرعى تحييكم
مظبوط 
|
ميرسى على التقديمة الجامدة دى يا ست سمنة 
.. نردهالك فى الأفراح و نولعلك فى العريس 
اقتباس:
|
احم قبل متبدأى الرد نحب نسمع قسم البرنامج
|
إحم إحم
أقسم باللى فى نفسى و عايزة أقسم بيه إنى هختار وزارتى على طريقتى و اللى هختاره يا رب يحتار حيرتى
و بعد ما أختاره يا رب محدش يجيب فى سيرتى .. لا قصدى أزعل حد .. و لا الكلام بجد 
.. و أهو كله كلام فى كلام 
.. و أهى تدبيسه و السلام .. و أقسم بكل اللى فى الجيب لا فى سرقة ولا تهريب و ربنا يصبر علينا جمهورنا الحبيب 
الله .. البرنامج .. الوزارة
بالنسبة لسؤالك
إدارة عبقر كانت أنشط إدارة فيهم
لو عايزة رأيى فى الإدارة نفسها هقولك إنها كانت بتشتغل بطريقة كويسة و كان عارف يشغل المنتدى إزاى .. كان فى شغل كتير بيتم يمكن كان العيب الوحيد إنه مش بيسمع بشكل كافى لطلبات المشرفين أو الأعضاء
فى نظرى إدارة ديكتاتورية فى أوقات كتير لكن فعلاً البنى آدمين اللى هنا ماينفعش معاهم إلا كده
هو يمكن عبقر كان مزودها أوى و بيتبع سياسة التنفيض إلى حد ما بس فعلاً كانت أفضل إدارة كشغل فى المنتدى
إدارة صوت الحق
مش هنكر إن كان فيه مجهود من أستاذ عصام مع أستاذ محمود سرحان فى نهوض المنتدى من تانى
بس من غير الأعضاء كان عشش فيه العنكبوت
ماشفتش حاجات كتير إتنفذت خلال فترة حكم أستاذ عصام
الكل كان مشغول إن مفيش صلاحيات و مفيش إهتمام بالأقسام التعليمية
و بعد ما الموقع رجع بشهر مابقتش بشوف نشاط أستاذ عصام
الصلاحيات قلت عند كل الناس من الأعضاء لغاية الإداريين
أول مرة من يوم مادخلت الموقع ألاقى طلبة بيقولوا مش لقيين مدرس فيزيا؟!!
و أدخل قسم من أقسام علمى ألاقى طلبة بيتخانقوا و بيقولوا ألفاظ لا تذكر!!
نسأل فين الدعم الفنى يكون الرد مفيــش !!
مع إن الموقع كان بيقع وقت حكم عبقر و كنا بنعمل مشاكل كل يوم علشان مايقعش و دى تقريباً كانت مشكلتنا مع الموقع فى فترة عبقر و نفس المشكلة مرت علينا مع أستاذ عصام بس ماتعتبرش سبب للإهمال دا كله !!
ده إن دل على شىء فا بيدل على فشل إدارة أستاذ عصام
إدارة أستاذ محمود سرحان
مقدرش أحكم عليها دلوقتى لإننا فى أجازة و الشغل الحقيقى فى الدراسة
أتمنى تكون أفضل من الإدارتين اللى فاتوا
و عندى أمل فعلاً فى كده خصوصاً إن المشرفين الموجودين فى جميع الأقسام يعتبروا من أفضل المشرفين على مستوى ال6 سنين اللى فاتوا
ربنا يكرم و نقدر نعمل شىء كويس للمنتدى .. يتسجل لتاريخنا المُشرف
أيهم أفضل
لو رجع بيا الزمن لورا كنت وقفت ضد المجموعة اللى شالت عبقر
أو بمعنى أوضح كنت وافقت جاست دريم لما قالت كفاية عليه السنة من غير اللون الأحمر
دلوقتى بس حسيت بالمعاناة اللى شافوها الوزرا اللى شرفوا البرنامج 