[..Just Stop]

المشاركة الأصلية كتبت بواسطة تسابيح النجوم

السلام عليكم ورحمة الله وبركاته
وعليكم السلام ورحمة الله وبركاته

كل سنة وانتم طيبين ويارب تكونوا بخير دايما....
ونتى طيبة وعقبال 100 سنة
بصراحة أنا مرعوبة وبرده فرحانة ،عشان بقيت طالبة جامعية
اوعدنا يارب
وانا بجد مش عارفة أي حاجة وفي أي حاجة في الكلية
اللي أنا هدخلها ......
وحبيت أسألكم بقي هي معلومات عامة في كل الكليات
وماله اسألى
الكلية بوجه عام:::
(1) هو المذاكرة في الكلية تبقي زي الثانوي ولا ايه؟؟
هيا بتختلف فى المزاكرة بس انما كمية المزاكرة انتى اللى بتحدديها
فى ثانوى كنتى عارفة منهجك تدخلى تحفظى الكلمتين وتحطيهم فى الامتحان انما فى الكلية لازم تلخصى شوية وتنظمى وقتك علشان المحاضرات
يستحسن تبدأى مذاكرة من اول السنة
ولا تأجلى عمل اليوم الى الغد طالما ينفع يتأجل لبعد غد
يعنى اللى تاخديه تذاكريه اذا كنتى ناوية تجيبى تقدير كويس
انما لو عايزة جيدومقبول زى حالاتنا فذاكرى قبل الامتحانات
(2) ايه الفرق بين المعيد والدكتور؟؟
الدكتور دا الكل فى الكل درجته العلمية اعلى من المعيد
دا اللى بيكروتك فى شرح المحاضرة علشان العدد كبير والوقت ضيق ووراه خمسين محاضرة فى جامعات تانية
انما المعيد دا اللى بيفهمك اللى الدكتور قاله
الدكتور بيشرح باختصار انما المعيد بيشرح باستفاضة
فركزى مع الاتنين علشان ربنا يصلح حالك
(3)وايه الفرق بين السكشن والمحاضرة؟؟
المحاضرة يا ستى بيبقا عددكم كبير جدا والدكتور هو اللى بيشرح
انما السيكشن دا بتبقو متقسمين لمجموعات وبتاخدو العملى فيه
والسيكشن اهم من المحاضرة علشان الغياب وكدا ودرجات
ولازم تركزى فيه
(4)وهل فعلا الدكتور هو المتحكم فينا يعني منعرفش نستخدم اللماضة معاه!!
لا اتلامضى براحتك ولو ربنا كرمك وكليتك خمس سنين او سبعة
يبقا مادته هتفضل معاكى لاخر سنة واحتمال تخديها منازل بعد الكلية
حاولى متهزريش مع الدكاترة علشان دول عالم نفساوية كدا وطالعين السما
بس ياريت دا ميربيش رعب داخلى عندك اتعاملى فى حدود الحاجةفقط
بموت انا فى الدكاترة اوى
(5) هو انتم بتقعدوا في اول دسك ههههههههه
ههههه بحب انا الاسئلة الفكاهية دى
عن نفسى علطول بروح متأخر وبقعد فى الاخر ورا ولو ربنى كرمنى بقعد فى النص
المرة الوحيدة اللى قعدت فى اول بينج الدكتور مجاش ومن ساعتها رجلى معتبتش البينج الاولانى
بس هيكون افضل لو قعدتى فى اول بينج علشان الكلام يطلع من بق الدكتور على ودن سيادتك علطول
(6) هو ايه اتحاد الطلبة دا ؟؟؟ وبيختاروا اللي فيه ع اساس ايه؟؟؟
اتحاد الطلبة دول زى حزب وطنى او حركة كفاية الحكومية طبعا
ناس عادية بردو بس بيبقو مشرفين عن الانشطة والرحلات وتنظيم المحاضرات مع الدكاترة
بس متشغليش بالك بيهم لان معظمهم بينفضو للمحاضرات
رئيس الاتحاد عندنا سقط سنتين فخليكى جدعة وابقى طالبة جامعية فقط
ــــــــــــــــــ
الكتابة :::
دي بقي يعتبر اهم سؤال بالنسبة لي ....
هو احنا لازم نكتب كل كلمة الدكتور او المعيد يقولها ولا لا....
أصلي لما بكتب بسرعة مش بفهم حاجةمن خطي طبعا ....
ولا ممكن نسجل للدكتور ونخلص ..........
لا مش شرط تكتبي كل حاجة انتى اكتبى بس العناصر الاساسية اللى بيقولها علشان لما تيجى تزاكرى تعرفى تسلسل المحاضرة كان ماشى ازاى عن نفسى مبكتبش
بالنسبة للتسجيل ففى دكاترة بترضى ودكاترة لا بس فى الغالب مبيرضوش
وزى ما الناس قالتلك لو هتعرفى توفقى بين الكتابة والفهم مفيش مانع
لو مشهتركزى وانتى بتعملى الاتنين مع بعض يبقا يا تكتبى ياتفهمى وتعملى عملية تبادل مع زمايلك
الصداقة :::
بصراحة أنا خايفة اكلم حد في الكلية او اعرف ناس
مكنتش اعرفهم قبل كدا ... لان لما كنت راحة اقدم
كانت فيه بنات مغرورة ومتكبرة مش عارفة ع ايه يعني
وغير كدا اني لما كنت في المدرسة حصلي موقف مع واحدة
ومش هنساه عمري اكيد ...وكنت بعملها كويس
وطلعت في الاخر نفسيتها مش كويسة اطلاقا
بتحقد من غير داعي ....وانا محبش
اتعرض لموقف مرتين ........
بصى يا دكتورة الصداقة مش هتقدرى تستغنى عنها اعرفى كل الناس
لان اللى ش هتحتاجيه دلوقت بعد كدا هتحتاجى قلمه وكراسته بس حاولى تختارى ناس كويسة يبقو صحباتك
ودققى اوى فى الاختيار علشان متندميش بعد كدا
عموما الكويس بيتعرف من اول نظرة
وان شاء الله هتقابلى ناس كويسين
المغرور بقا سيبك منه ولا كأنه موجود تجاهليه افضل
ياريت ياجماعة حد يساعدني عشان أنا حاسه اني تايهة
لحد لما افتكر لكم أسئلة تانية

في أمان الله
اسألة ايه
فكرتينى بامتحان العربى بتاع الابتدائى
لا كفاية عليكى كدا بقا
وربنا يوفقك

عموما حاولى تحضرى معظم المحاضرات لان محدش بيحضرها كلها
وتعاونى مع اصحابك كدا علشان تنجزو فى الدراسة
وسيبك من اللى بيضحك عليكى ويقوللك الدكتور دا مش بينجح حد
وربنا هيوفقك ان شاء الله
:::::::::::::
نيجى بقا للمهم

من اى نوع أصلهم بصراحة بقوا مش أشكال حد يعرفها مش بيجى من وراهم إلا المشاكل .. مع إحترامى للبنى آدمين اللى هنا

ما بلاش اللون ده معانا
اشكال ايه يا ام اشكال ال اشكال قال
متبوظيش المنظر العام خللى الشباب تعيش
كلامك صح يا مها ياريتتخليكى مع صحباتك وبس هترتاحى اكتر
::::::::::::
وانتو كمان يا ولاد متصاحبوش بنات هيدفوكو دم قلبكو خروجات وكروت شحن وهتشيلو السنة بسببهم
فخليكو كويسين كدا
علشان الصنف دا متعب ومكلف وبيضيع المستقبل وبيقصف العمر ;d
كدا واحد واحد يا مها