اقتباس:
المشاركة الأصلية كتبت بواسطة soha fouad
يا جماعه ده مش امتحان ده نقاش بيتم بينك وبين الدكتور اللي معاك
وبيسألك اسئلة معقولة
بس المعلومات العامة فعلا لا تخطر ع البال ولا الخاطر
انا اتسالت عن الفرق بين الاشتراكية والراسماليه ................!
وهل اقصر مدينة ام محافظة وان كانت مدينة ايه هي المحافظة اللي تابعه ليها
وعن عاصمة المملكة المتحده وعاصمة المانيا
وغيري اتسال عن الفرق بين رئيس الحكومة المصرية ورئيس الوزرا (ومعرفشي...!) وفي طلبة معرفتشي مين هو اصلا رئيس الوزرا
وعن ميعاد كاس العالم الجاي وهيتلعب فين
و99% من ده بــ(الانجلش)
الخلاصة الاسئلة بتدور عن
1- عواصم البلاد (كلها يعني في واحد من المجموعة بتاعتي اتسال عن عاصمة تشيلي وعاصمة باكستان والهند وجنوب افريقيا)
2- الاتحادات والجماعات( زي الاتحاد الاوروبي ودول الخليج ودول شمال افريقيا ودول شرق اسيا) وكله بالانجلش
gulf =خليج
3- عملات البلاد
4- وزراء مصر والاثار
وان كنت سياحة يسالك ليه عاوز تدخله وتعرف شركات سياحية زي ايه وان كنت فنادق يسالك عن اشهر الفنادق اللي في مصر وان كنت ارشاد يسالك عن الاثار(في واحد اتسال عن الاثار الاسلامية في القاهره كان سؤال يفزع لان معظم الاثار اللي في القاهره يا اما حديثة او فرعونية والاسلامية زي جامع محمد علي وجامع الازهر وقلعة صلاح الدين والمناطق اللي ان فيها الخلافة الفاطمية القديمة زي منطقة الحسين
5- محافظات مصر دي خطيررررررررررررررة جدا والكل وقعوا فيها حتي انا عشان مكنتش اعرف اقصر محافظة ولا مدينة
فلازم تعرف كل المحافظات والمدن اللي تابعه لكل محافظة ليها
6- لازم تحفظ اسمك وسنك وساكن فين ومدرستك اللي اتخرجت منها وهوايتك (لوكشة واحده بالانجلش ) لانك بتدخل اول حاجه بيقولهالك بيقولك عرف نفسك بالانجلش فبدل ما تقعد تتهته ترميهاله ع طول
يا جماعه العملية سهله خالص وكان الدكتور اللي معايا قالنا اهدوا خالص وافردوا ظهركم وفي هدوء خالص
حاجات لازم تاخد بالك منها يا طالب حلوان
1- صوتك واضح (مش عالي) يكفي يكون واضح لان كان في دكتور قدامي مع ناس تانية والله شخط في البنت عشان عماله تنمنم
2- بلاش يبقي في صوتك رعشه او لما تحضر لجملة تقولها بلاش تقول ااااااااااااااااااااااا خليك ساكت وبعدين رتب الجملة وقولها ع طول
3- ايدك مش في بعض ووبلاش تقعد تخبط وتترعش
العملية ابسط مما نتصور بتكييييييييير وسهله جدا والحوار معاك مش بيكمل 5 دقايق وتحس انك مبسوط لما تخرج وصدقني هتعرف تجاوب وياريت لو حد مش لاقي حاجه يعملها يقعد يعمل سيرش عن عناوين الحاجات اللي انا كاتباها
متخافوش بس لازم الثقة
وربنا معاكم
|
على فكرة يا سها المملكة المتحدة تبقى انجلترا واختصارهاUKوالمانيا عاصمتها برلين ومش 99فى المية من الاسئلة انجليزى اى نعم الغالبية العظمى بس مش كلها انا الدكاترة اللى كانو معايا كانو بيكلمو ساعات عيال بالعربى هم بس بيركزو على الaccent and spellingفى اللغة مش اكتر وبعدين بتوع اتحاد الطلبة بيبقو ولقفين قبل ما ندخل وبيقولولنا على كوووووووووووووول حاجة والاسئلة اللى اتسالتيها دى مش صعبة خااااااااااالص يعنى الاشتراكية والرأسمالية عرفنا الفرق بيتهم فى علم الاجتماع
وبعدبن الصوت العالى والرعشة فى الكلام والنمنمة وكدا معرفشى عنهم حاجة لان كل اللى
معايا ماكنش صوتهم واطى بس عشان مش داخلين قسم لغات فالاسئلة كانت موجه ليهم
بالعربى ماهدا انا وواحدة تانية كانت داخلة ارشاد هى كمان بس هرنساوى فالاسئلة كانت لغات
والاسئلة اعبط ما يكون هم مش بيعقدوها