[~: Zac :~]

يا جماعة المفروض نحكم على الاخوان كجماعة وكفكر و كمنهج واهداف .. مش كافراد ..

حتى الامام حسن البنا قال .. كم منا وليسوا فينا وكم فينا وليسوا منا ...

يعني كتير منضميين للاخوان لكن مش متبعين المنهج اللي ماشين عليه ..
وكتير مش ف الاخوان لكن متبعين نفس المنهج وهو منهج السلف الصالح اللي لازم الكل يمشي عليه ..

لكن دلوقتي احنا ف مجتمع بعيد جدا عن الدين وحتى معظم اللي بيصلو ويصومو فاكرين ان هو دا بس الدين
لازم كل واحد يصلح من نفسه اه بس كمان يصلح من حواليه ... بالذات لو الحد دا مسؤول ... فكلكم راع وكلكم مسؤول عن رعيته ..
يعني لو واحد من الرعية عمل معصية والحاكم عارف وساكت اكيد هيشيل ذنوبه ومحدش يقولي انه مش عارف ..

يا جماعة متنسوش اننا ف الاول وف الاخر دولة اسلامية ولازم يكون فيه تطبيق للشريعة الاسلامية ...

صحيح محتاجين نتحكم ف الجوانب السياسية والاقتصادية بس مش معنى كده ان الحكم بالشريعة هيوقف كل دول ...

بالعكس الاسلام عاوزنا نكون اقوى ناس في السياسة والاقتصاد ..


عاوز المسلمين يوصلو لاعلى درجات التطور والحضارة والرقي بدون معصية الله ...

دلوقتي الكل متبع النهج الاوربي وهما فاكرين دي الطريقة الوحيدة للحضارة .. مع دا الطريق لجهنم ...

ومحدش ييجي يقولي دا عامل نفسه شيخ .. انا مش شيخ بس الكلام دا المفروض اللي ف حضانة يكون عارفه ...


والاخوان كل اللي عاوزينه ان الحكم يكون بالشريعة الاسلامية ... وبتكلم عن الاخوان كجماعة من يوم تاسيسها مش كافراد ..

لان الله اعلم باللي جوا الافراد ..

فاحنا لو هاجمنا نهاجم حد معين ف الاخوان بيعمل حاجة منافية لمنهج الاخوان ..بس منهاجمش الاخوان ككل المفروض نايدهم ونساعدهم ....

وبيتهيالي يعني لو الاخون بوظو البلد مفتكرش هتكون بايظة اكتر من دلوقتي...

كفاية اوي اننا هنكون بنرضي الله من اعزه الله فلا مذل له ...


بجد ياريت تفكرو بعقلكو كناس مسلمين بجد مش كناس منبهرين بالثقافة الاوربية وحضارتها ...