عجبنى اوى رد ولاء
لانها بجد جابت الخلاصة
بصراحة انا مش حابة اصلا اتكلم فى الموضوع الاساسى اللى هو بنت كلمتك فى الموب ده
لانى اعتقد الامر منتهى
اصل مش معقول يعنى يكونوا بيتكلموا الساعة 4 الفجر
عشان تقوله صليت الفجر و لا لاء
معتقدش يعنى
و لا هو بيبعت لها sms يقولها اوعى تنسى قيام الليل
دى قضية مفروغ منها
بس الحتة التانية بقى
بتاعة المخاطيب
على فكرة الصحابة مكانوش بيخرجوا مع مخطوباتهم يعنى
و لا حاجة يعنى
و اكيد مكانش فيه دبدوب ابيض ماسك قلب احمر
اصلا هما(المخاطيب ناو يعنى) مش فاهمين يعنى ايه خطبة او زى ما بيقولوا خطوبة
مفكر كل حد ان س خطبت ل ص
اذن س دى مراته ده طبعا مستحيل لانه ممكن يسيبها و لا يتوفاه الله و لا يسافر و ميرجعش و هى حقها تتجوز تانى
لان هى متجوزتش اولانى
دى الخطوبة مجرد وعد بالزواج يعنى مش زواج
و بعدين خلونا نبقوا واقعيين شويه اى حد لما بيروح يتقدم ل س من الناس
اكيد فى الاول هيشوفها و الكلام ده و بتاع و لو اعجب بيها (مش عجبته عيب نقول كده)
اكيد و بدون ادنى شك هيبدا يفكر فيها و قلبه هيميل ليها شويه و س كذلك
بس هو اصلا نيته ايه؟
انه راح بيت ناس عشان يشوف واحدة فرضا طلعت جميلة و اعجب بيها
و راح يوصفها لاصحابه على انها مش عارفة ايه
و لا نيته ان دى هتبقى ان شاء الله زوجته
و بعدين نيته م الزواج اصلا ايه هل انه يبقى سعيد و لا انه يرضى ربنا
هو فى العادى (بالنسبة للانسان السوى) هيبقى الاتنين بس الاولوية هتبقى عشان يبقى سعيد
رغم انه الواجب فى النية انها تبقى الاول لارضاء الله و بعدين لاى حاجة تانية حلال
نرجع لموضوع الخطوبة
طبعا المتعارف عليه ان المخطوبين دول يعنى ميسدات و ماسيدجات و دباديب دباديب دباديب
يعنى م الاخر الخطوبة صحوبية بس رسمى(يعنى الفرق كله ان بابا و ماما عارفين يعنى لاحد هيقول كنت فين وجيت منين انا كنت مع خطيبى و الناس اللارجlarge يعنى بيسيبوا الدنيا ع البحرى كده لحد ما تدخل عليهم بعيل
احم ما علينا
و ان كانت الخطوبة مش كده و لكن جرت العادة على كده فى الافلام و المسلسلات و تررم
و لما جوم يسالوا ايه حدود العلاقة بين المخطوبين واحدة قالت no limits
يعنى اصلا مفيش حدود بتقول هو اللى وضع الحدود دى بس لو عليا مكنتش حطيت حدود
الحدود اللى هو حطها عرفتها انا و هى حاجة محترمة يعنى
يا ترى بقى هما عاملين حساب لمين
مش هتكلم عن الاهل لان دول اخر حد نتكلم عنهم
انا اقصد ((الله))
ربنا عارفنا كويس (الا يعلم من خلق و هو اللطيف الخبير)
عشان كده لما اتامرنا اننا منعملش كذا ربنا عارف ان ده مفيهوش شر لينا بل بالعكس ده فيه خير
و لما نيجى نرجع لحتة التلافونات دى
فيه واحدة قالت ادامى يعنى كنت مصاحبة و بتكلم فى التليفون لما اتخطب مش هتكلم
ليا رجعة لو كان لى عمر اصلا
__________________
وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
آخر تعديل بواسطة لمى 2016 ، 14-08-2009 الساعة 06:47 AM
|