اقتباس:
المشاركة الأصلية كتبت بواسطة eng_aya
بليييييز عيزه اعرف معلومات عن اعدادي هندسه في الشيخ زايد يعني هنروح ازاي وبنتاخر ولا ايه المكان هناك مقطوع اساسا وسمعت ان في باصات دي بنشرك فيها ازاي وبنركبها منين وليها معاد ثابت ولا بتستنى لاخر طال ولا ايه بالضبط بليز عيزه اعرف معلومات عن الموضوع ده واي حد يعرف معلومه ما يبخلش علينا بيها ولو صغيره وميرسي جدا ليكم
|
سؤال حلو برضه
هو الحمد لله الباصات اللي تبع الكلية متوفرة وبتغطي خطوط كتير جدا
امبابة و كيت كات وجامعة وهرم وحلوان ومناطق كتير بس دي اشهرهم
الاشتراك بيكون شهري السنة اللي فاتت بتاعتي كان مية وخمسين جنيه شهريا واكيد هيزوده (منهم لله )
والمواعيد بتبقي ثابتة غالبا
السواق بيبقي عارف اغلب الناس اللي تبعه و الطلبة بتتفق معاه علي انسب مكان للتجمع و بيجيلهم فيه
الشيخ زايد عموما مش منطقة مقطوعة بس عشان الكلية بتاعتنا في اول المدينة و محطوطة في مجمع مدارس ومافيش اي مناطق سكنية غير بعد مسافة محترمة فعشان كده باين اوي انها هادية
هتلاقي جنب الكلية ادارة ستة اكتوبر التعليمية ومدرسة البنات الثانوية والمعد الديني الازهري
فهي حتة هادية ولكن مش مقطوعة
هكمل بعد العشاء ان شاء الله