السلام عليكو
انا عندى عده نقاط عاوز اتكلم عنها
اولا : يا ريت محدش يزعل منى لانى ردى هيبقى ناشف شويتين تلاته
ثانيا : نخش ف الموضوع
الموضوع ده كفكره مش جامد اوى فيه مثلا ناس كاتيبين ان الفكره جامده وكده وهتعمل نشاط بين الاعضاء وكده يعنى انا بقول من وجهه نظرى ان الموضوع مش هيعمل نشاط ولا حاجه لان كل واحد ع المنتدى وانا منهم لما اجى اكتب الاعضاء ف المسابقه دى هكتب صحابى اللى قريبين منى وعارفهم وكده ( زى ما حد قال مش فاكر مين والله ) يعنى مش ليها لازمه المسابقه دى لانها ف الاخر بتعتمد ع المجاملات.
ثالثا : هنمسك الالقاب دول لقب لقب
1- أكتر عضو محبوب
( لو انا مثلا واحد صاحبى اوى بحبه هكتبه اكيد يعنى كل واحد هيكتب صاحبه يعنى اكتر واحد ليه صحاب ع المنتدى هياخد اللقب ده لان عدد الاعضاء ف المنتدى ضخم وبالتالى محدش هيقدر يقول مين بالظبط )
طيب مهو لو بالنسبالك محبوب وبالنسبة لغيرك محبوب ولسين من الناس محبوب يبقي هو فعلاً كدا ؟ ولا ايه ؟
2- أكتر عضو متفاعل
( لو انا معتاد انى اخش ع قسم معين ( معظمنا بيعمل كده لانه بيميل لحاجه معينه زى مثل قسم الاذكياء ....الخ هتلاقى ان حد معين برده هوه اللى متفاعل وكده )
ههههههههههه
ياباشا هو كل الناس بتدخل قسم الأذكياء بس
كل واحد يقول رأيه واللي هيحصل عليه ويبقي نقطة التقاطع ده اللي هياخد اللقب
مش عشان مثلا انا قولت علي ابن عمة خالة امي من اب تاني غير جدها ( عبقري ) يبقي هياخد لقب عبقري
3-أكتر عضو متواجد
( ده بقى اللى فيه عك جامد لان انا مثلا لما اجى ابص ف المتواجدين الان بلاقى كتير جدا غالبا بيعدو ال200 فمن المستحيل انى كل ما اخش اقراهم فانت مش بتعرف مين اللى موجود باستمرار الا الادارين و المشرفين عشان لون عضويتهم بيكون مختلف فبيشدوا الانتباه )
أكيد مش متواجد باللون وبس يعني او فاتح المنتدي وعامل تذكرني وعمال يعمل تشاتنج ع الميل .. اللي بيثبت تواجده ده بيثبت تواجده بموضوعاته الهادفه بردوده الهادفه بأي إنجاز بيعمله
4-أكتر عضو نشيط
( ده برده زى ما قولت لحضراتكووو كل واحد بيميل لقسم معين فبيشوف واحد فيه نشيط فالاختيار بيكون مش مظبوط )
نقطة التقاطع هي صاحبة اللقب
5-أكتر عضو طيب
( اكيد هتختار صاحبك لان كلمته وعارفه وكده يعنى مثلا مش هتكتب اى واحد والسلام لانك مكلمتوش ومش تعرفه
أكيد وده المطلوب مهو هنعرف إزاي إنه طيب
هيبقي مكتوب في البطاقة مثلا ؟
6-أكتر عضو قريب من الاعضاء
( ده بقى لقب حلو والاختيار فيه بيكون مظبووط الى حد ما بس مش 100% يعنى )
حلو مش عايزين ميه في الميه أي حاجة وخلاص واكبر نسبة ناخدها
7-أكتر عضو رزين
( وانت ايه اللى هيعرف سعادتك انه اللى هتكتبه رزين ولا لا انا مثلا ممكن اكون متعفرط بس ف كتاباتى ف المنتدى تحس انى رزين وعال ع العموم لقب مش وحش يعنى )
اها ما احنا بنقول في المنتدي مش في الحياة حياته يولع بيها مش عايزينه .. المهم إنه ميرضناش في المنتدي وخلاص
8-أكتر عضو حكيم
( نفس الكلام اللى ع العضو لرزين )
نفس الكلام علي العضو الرزين
9-أكتر عضو عبقرى
( ده ممكن نقيمه من خلال مسابقه مثلا )
ده صراحة مش عارف .. ممكن تكون من طريقة إنتاج
فيه ناس نتاجها يبرر تقدمها العقلي
10-سوبر ستار شباب المنتدى
( انا مش فااهم اساسا ايه سوبر ستار المنتدى ده !!! )
ولا انا
بس ممكن تكون أشهر واحد من الشباب مثلا
زي تامر كدا في الناس الهايفه
11-سوبر استار بنات المنتدى
( زى اللى فوقيه )
نفس اللي فوقيها
12-أكتر مشرف نشيط
( غالبا سيادتك مش هتكتب الاختيار الصح لانك مش بتخش ع جميع الاقسام يعنى مش هتشوف شغل كل المشرفين )
نقطة التقاطع
13-أكتر مشرف سوبر نشيط
( ده بقه بصراحه مش فاهم ايه المشرف السوبر ده لو هوه بيكون مشرف ع كل الاقسام يعنى فده بيكون لقب حلو لان الكل شايفه )
فيه مُشرفين زي سبايدر ناس شايفه شغلها جداً
وزي بنوتة مسلمة وشريف وبنت دمنهور
وزي ترافيل بردو
وناس كتيرة جداً مشرفين سوبر
دي رتبه هه
رتبه
14-أكتر مشرف إدارى نشيط
( ده بقى لقب تمام لان الكل بيشوف شغلهم )
تمام مين بقي
هكمل الرد بعدين لانى ايدى وجعتنى من كتر الكتابه
سلالالالالالالالالام
تحياتى
Mr.KaTkOoT