[جمال سراج]

اعتقد انه كان فى مرحلة من المراحل مدرس الابتدائى بيتعين بدرى شوية عن نظيرة بالاعدادى فارق سنين الدراسة فيكون انشط شوية نظرا للسن الصغير
بل الوقتى عندك حق كله خريج جامعة والمفروض يبقى ما فيش فرق
بس عموما 24 او حتى 21 او حتى 15 حصة كتير قوى فى ظل الاخلاقيات والسلوكيات الهابطة جدا من قبل الطلاب الوقتى اقصد معظمهم وربما مش بس الطلاب ممكن للاسف اهاليها كمان
ناهيك عن كثرة اعباء المدرس الادارية من ملف انجاز ودرجات وتليفيهات وتعبئة ورق ملوش لازمة
بصراحة تعب جامد وملوش اى لازمة ولا عايد حاجة ابدا على الولاد
العائد الوحيد هو المنظرة بدعوى التطوير
دى وجهة نظرى واحترامى لكل الاراء
ومن رايى المفروض عدد الحصص يقل مع السن للمعلم زى زمان ويبقى نظام الترقية ماشى
ايه يعنى المدرس يدرس طول عمره
شىء طبيعى ملل
فى اى وظيفة يبدا محاسب مثلا ببنك بسيط ويترقى حتى مدير بنك وربما اعلى
ظابط صغير حتى لواء ويمكن اعلى
انما مش عارف زمبه ايه المدرس يفضل خوجة فى مدرسة عيال!!!! طول عمره
تحياتى