[%medo%]

بسم الله الرحمن الرحيم

اولا : انا فى تانية طب القاهرة
ردى هيكون باللون الازرق

السلام عليكم ورحمة الله وبركاته

انا عندي سؤال محيرني ومش عارف اجابة عنه وممكن تكونوا انتم يا طلبة الطب نفسكم مش عارفين الاجابة

السؤال هو ليه عايز كلية الطب او ليه دخلت كلية الطب ؟

اظن ان عدد كبير من الطلبة عارفين ليه دخلوا الكلية على الاقل عن نفسى
واظن ان اجابة د/ محمد مرعى كافية وممكن يكون فية اكتر من سبب وكل واحد لية سببه وهدفه

الاجابات في التصويت

طبعا مش هحط الاجابة المعتادة علشان اعالج المرضى لأن ده مش االسبب الاساسي للاغلبية واغلبنا بيخفى السبب

الاساسي ورا السبب ده
صدقنى كفاية الثواب ورا العمل دا هو فى حاجة اكبر من دعا المرض ليك!!!!!!!

ياريت اللي يصوت يقول اجابته ليه

اولا انا اخوكم فى الله احمد نهائى طب القاهره وكنت اول المنطقه فى الثانويه
انا هكلمكم بصراحه رغم اعتراض الكثيرين لانى انا نفسى عشت هذه التجربه

اكثر من 90 فى الميه من طلبة كلية الطب داخلين استخسار مجموع او علشان يتقال عليه دكتور
معلش يا دكتور انا معظم اللى اتعملت معاهم مش كدا خالص كل واحد ليه هدفة وبيشتغل ليه

وده راجع لاسباب اهمها عقده لدى الشعب المصرى انه هناك كليات قمه وكليات قاع وكل راجل وست فى مصر نفسهم ابنهم يطالع دكتور علشان يمنظر ويقول انا ابو الدكتور مايهموش بقى ابنه ده ممكن تكون ميوله وابداعاته مخالفه تماما لكارير الطب مش مهم المهم المنظره والفشخره وعلشان كده بنتخلف اكثر واكثر لو كل واحد فينا دخل المجال اللى بيحبه واكرر بيحبه هتشوفوا مصر دى هتكون عامله ازاى لو كل واحد فينا دخل المجال اللى بيحبه هيبدع فيه ولو قابلته صعوبات هيصبر ويتحمل ويكفيه انه بيحب المجال وانا خير مثال انا كنت كويس جدا فى الاحياء وكنت كويس جدا فى الرياضه ولكن اختيارى السيىء الذى مازلت ادفع فى ثمنه حتى الان دخلنى الطب ووجدت عدم تاقلم غير طبيعى وكانى والكليه قضيبى قطار متلازمين ولكن مع استحاله تقاربهما فنصيحه لكل واحد حفظله كلمتين وفاكر ان الثانويه العامه مقياس وحفظه للاحياء مقياس والله الذى لا اله غيره الموضوع فى الكليه غير ما انتم متصورين الكليه قصة تانيه وحشو وصم غير طبيعى لدرجه والله يا اخوه انا كانت بتيجى عليا ايام كنت علشان دماغى ماتصديش اجيب كتب ومراجع فى الرياضه (المجال الذى احبه) علشان احل كام مساله افك بيهم العبط والصم والخبل اللى فى الكتب صدقونى وساعتها لا قدر الله لو فشلت المصيبه هتبقى مصيبتين اول مصيبه انك فشلت تانى مصيبه انك بتكره المجال او مش متلائم معاه وبالتالى خسرت الجلد والسئط يعنى لو فى مجال بتحبه وسئطت ممكن حبك للمجال يعوضك الفشل انما تخيل فشل مع كره حاله كرب صدقونى
مفيش شك ان فى نسبة من الطلبة اللى عندنا كدا بس صدقنى مش كتير ومش بدرجة حضرتك , ويا دكتور احمد انا مش فاهم انت ليه محولتش علطول من الكليه , الكلام اللى حضرتك بتقولة دا غريب اوى عمر ما كان الطب عندنا بيجيب صدا فى المخ والكتب اللى عندنا لو اتفهمت كويس هتبقى ممتعة جدا وهتبقى امتع لو لحضرتك هدف وغاية
تصر على تحقيقها وتتوكل على الله ,

وعموما نصيحه اللى بينفع فى كليه الطب عموما خريجى الاى جى لان عندهم قدره ماشاء على الفهم والتحليل
لا طبعا انا مش معاك فى الكلام دا طبعا ودليلى شوف اول 100 فى كل دفعة وورينى

ماشاء الله مش الحفظ والصم بتاع المدارس الحكومى
متفق معاك
ولو كان والدك دكتور او دكتوره صصدقونى مافيش احسن ليهم من كليه الطب اللى الطالب الغلبان هياخده فى شهر ابن الدكتور هيشربوا بمعلقه دهب فى اسبوع وبتبقى ولاد الدكاتره فى سنه تانيه او تالته وبيعملوا عمليات المصران وغيرها
مش قوى يعنى كدا ومش للدرجة دى معايا زميلى اولاد دكاترة ومش زى مانت قايل

اخيرا نصيحه لوجه الله خشوا اللى انتم كويسين وهتبدعوا اوعى تسمعوا كلام اهليكم كونوا الشخص المناسب فى المكان المناسب ولا تكونوا انمعه ان قامت قمتم وان قعدت قعدتم والسلام عليكم
متفق معاك 100%

على العموم لكل انسان ميول وتصورات واهداف تختلف من شخص لاخر
نصيحتى لكل من يريد الدخول لكلية الطب ان يكون عنده هدف لانه مش هيعرف يذاكر و يكمل الدراسة بسهولة
من غيره ويتوكل على الله كدا ويخش المعركة بقوة واالله المستعان

يا جماعة لوسمحتم اختاروا بصراحة لأن انا متوقعش ان 72% من طلبة الطب عندهم ميول طبية او حتى نسبة

قريبة منها لأن لو كانت النسبة دي صح تبقى مصر بلد الاطباء
رديت على الكلام ده

واللي مش لاقي اجابته يختار اخر ويقول ايه اجابته

واللي اختار اجابة ياريت يكتب وجهة نظره ونناقشه فيها

بسم الله الرحمن الرحيم
معك محمد مرعي ثانية طب ان هناك اسباب كثيرة
1-انت لو رحت وشفت حد من المقربين لك مكان اللي مرضان علي السرير اىة هيكون شعورك!!!!!!!!!!!
2-لو لك اخ او قريب يشكو من مرض عجز عنة الطب اية شعورك!!!!!!!!!!!!!!!!!!!!
3-لو انت كثير الذنوب ومن منا ليس كثير الذنوب وخرج من عندك عيان بيدعيلك من قلبة اية شعورك!!!!!!!!!!
انا لو قعدت اقول لك لماذا لمل خلصنا حتي الصباح
ولكن خذها نصيحة اتق الله واجعل نيتك خيرة

بجد يا محمد كلامك مقنع وانا متفق معاك
************************************************** ************************************************** *
هناك من دخل الطب ليقال طبيب ولكن اراهنك انة بيفشل في النهاية واذا نظرت تقديراتة لا يعدى جيد او جيد جدا
صحيح
************************************************** ************************************************** *
اما مندخل من اجل المال انا هحكيلك الحال:
1-دكتور الباطنة عندنا بيعطي الدرس بحوالي 8000جنية في السنة لو قانا ان نصف الدفعة بىاخذ معاة شوف يطلعلة كام في السنة
اللهم لا حسد ولكن اذا كنت طبيبا حقا ستعلم عندها لماذا دخلت طب
100%

السلام عليكم انا إن شاء الله داخلة أولى وانا متفقة مع محمد مرعى وبجد فى ناس كتير بتفكر كده بس احنا مش بنقابلبهم
على فكرة محمد مرعى من الناس اللى بقابلهم
وكمان احنا ليه عاملين كل الهوجة دى يعنى عمرنا ما قلنا لحد ليه دخلت تجارة ولا هندسة يا جماعة الكلية دى زيها زى غيرها والكل ممكن ينجح فيهامش مقتصرة على اولاد الدكاترة لان معظم الدكاترة الكويسين مكنش ابوهم دكتور وبخصوص الستطلاع عادى جدا اما افكر فى الماديات لانها طبيعية اه يعنى لما احلم بعيادة او اكون مشهور ما المهندس بيحلم بالشغل والمهية الكبيرة ولا الطبيب محروم طالما بيؤدى دوره المهنى وبيراعى ربنا اصل مينفعش يبقى دكتور ومش لاقى ياكل اما حكاية التكليف هيتلغى وممكن متلاقيش شغل فالارزاق بايد ربنا ما التجارة بيخرج منها الوفات وممكن ميلاقوش شغل ومع ذلك بيدخلها كتير وفى ناس بتلاقى شغل وبالنسبة ليا انا مكنش عندى ميول طبية نهائى ومن صغرى بحب الرياضة لحد تانية ثانوى مع انى كنت بذاكرها كتير الا انى لقتنى مش ماشية فيها ودخلت احياء وبردوا مكنتش بحبها وخصوصا النبات بس كنت ماشية فيها عادىوحكاية انى افتح العيادة واكسب فلوش والناس تقولى يا دكتورة فاكيد بحلم زى اى حد بس دا لسه بدرى ربنا يدينا العمر ونكمل وبعد كده ابقى افكر فيها بس انا نفسى ادخل الكلية علشان اخش قسم اورام او امراض الكبد لالن الناس بتعانى بجد منها ولما بتلاقى حد عيان بجد بيبقى شعور فظيع وعلى حكاية السنين فانا مش ورايا حاجة وكفاية ان انا كل سنة دراسة ومخلصة النية لله باخد ثواب
والله كفاية الثواب وان شاء الله ربنا هيدخلنا الجنة على التعب اللى بنتعبه عشان الناس
اما على حكاية الرزق دى فهى على ربنا ذى ما د ولاء ما قالت
وما زلت اصر على مسالة الهدف زى د ولاء ما قالت عن هدفها الكبد والاورام

واى استفسار انا موجود
والسلام عليكم