[..Just Stop]

سلام عليكم
اسف على التأخير بس بجد كان النت فاصل وفى حاجة بالليل كدا جيت كملت الليلة

::::::::::::::::

1- ايه معنى ولسه و شبه منحرف و ليه غيرتهم ?

احكيلك حكاية ولسة
ونا فى قنا كل ما قول لحد ايه الحر ده يقوللى ولسة
الكلمة دى اتقالتلى من عشرين واحد
دا بالاضافة انى كل ما اقول للادارة العليا حاجة يقولولى لسة بنناقشها والمناقشات موش بتخلص
فدا سر ولسة
اما شبه منحرف فكنت ناوى اسمى نفسى كدا بعد اعتراض الادارة على مسمى ولسة
فقولت اغيره وكنت هخليه شبه منحرف علشان يتفهم بمعنيين الانحراف العادى او الشكل الهندسى شبه منحرف فكنت حابب الادارة تعترض موش اكتر بس كنت ناوى انحرف فعلا

2- مش ناوى تسيبك من العك ده ?

العك حلو اه حلو اوى اوى
عك ايه اللى بتتكلمى عليه ممكن توضيح

3- مشيت حوالى 8 شهور ايه اللى رجعك ؟

دنتو بتعدو بقا
اصلى بعيد عن السامعين كنت محسن ثانوى
فى السنة الاولى كنت بضيع وقت كتير فى النت لحد ما حسنت فى ثانوى يعنى النت احد اسباب التحسين
فى السنة التانية قولت مبدهاش بقا قومت فاصل النت نوهائى وبعدت عنه لحد ماخلصت ثانوى
بعدها رجعت
عملا بالمثل الشعبى
اللى بيشرب من المنتدى لازم يرجعله
هو دا اللى حصل

4- ناوى تمشى تانى امتى ؟

حين ميسرة
مش محدد وقت بس اكيد هيجى يوم وهمشى من المنتدى بس امتا بقا الله اعلم
بس تقريبا مش هعمر هنا كتير
5- حترجع قنا ؟
اها للاسف هو دا حظك ياقلبى
اصلى حبيت الصعايدة بعيد عنك

6- معروف انك شخصيه فكاهيه و بتقدر الى حد ما تصنع الضحكه
بس هل ده عشان يدارى كابه داخليه
اغلب الناس اللى من الطراز ده زى صلاح جاهين و محمد عفيفى بيبقوا فى الحقيقه قمه الاكتئاب

السؤال محدش يسأله غير اللى ما تتسما الاهلاوية
هو علشان بضحك يبقا عندى اكتئاب
لا هيا دى طبيعتى فى الحقيقة اصلا
مش بحب التعقيد ولا العقد ولا الكلام ده
اصل الدنيا سهلة ومش مستاهلة تكشير فى وش حد
وعلى راى المثل
اضحك للدنيا يحتار عدوك فيك
بس ان شاء الله مفيش اكتئاب اصلا
ثم مين صلاح جاهين ده اللى هتقارنينى بيه
اللى بعده
اسفين ع التأخير
دمتم فى رعاية الله