اقتباس:
المشاركة الأصلية كتبت بواسطة نغم_18
معلش يا دكتورة ساره
بس عاوزة اعرف
هو محاضراتكو بتبقى للساعه كام؟
يعنى بتتأخروا وبتاع
وسؤال بس بجد عايزاكى تردى ع سؤالى بصارحه
ندمتى ف مرة ع دخولك للكليه دى و لالا؟ بصراحه
ولو ندمتى ندمتى ليه؟؟؟؟؟
وياريت تدعولى ربنا يعملى اللى فيه الخير
|
اولا انا اسفة جدااااااا على التاخير فى الرد بس ده كان لظروف خارجة عن اراداتى
وان شاء الله من النهاردة انا تحت امركوا فعلا فى سؤال
بصى يا نغم يا حبيبتى
محاضراتنا بتختلف من سنة للتانية بس بالنسبة لاعدادى كان اقصى حاجة الساعة 6
فى اولى ممكن توصل ل7 او 8 بس مفيش اكتر من كده
انا هردى عليكى بمنتهى الصراحة
انا والله عمرى ما ندمت على دخولى للكلية دى بالعكس انا فى الترم التانى حبيتها اكتر وبعدين فى الاجازة
لدرجة انى لما بقابل اى حد من صحابى باقعد اكلمة عن الكلية والدكاترة والتدريب وكده
عمرى ما ندمت ابداااااا حتى فى الاجازة دى اخدت كورس عشان ابقى ملمة لو انا ندمانة مكنتش اعمل الحاجات دى ابدااااا
وبعدين والله شىء جميل انك تكونى حابة الكلية اللى انتى داخلها ويكون مجموعك مش بيجبرك عليها
يعنى انا الحمد لله كان مجموعى يجيب طب واسنان وصيدلة وكله
بس اختارت صيدلة عين شمس رغبة اولى
وانا فخورة جداااااااااا بانى طالبة فيها
و انا حاسة انك انتى كمان بتحبى صيدلة ويا رب اشوفك دكتورة عندنا فى الكلية ياااااااا رب