[osamaabdsalam]

المشاركة الأصلية كتبت بواسطة ttt_zzz2010

السلام عليكم

انا اسمى احمد خريج تربية عام رياضيات بتقدير جيد جدا وبشتغل مدرس رياضيات فى الأزهر طبعا بالعقد فوجئت بتوزيعى على معهد ابتدائى مع انى تربية عام ولما كلمت الموجه العام قالى انا ما عنديش مكان فاضى فى الاعدادى استلمت وتوكلت على الله ولكن فوجئت بان زاميلى خريجين تربية اساسى اشتغلو فى معاهد اعدادى وثانوى لدرجة ان واحد فيهم بيدى رياضة 2 ( 3 ثانوى ) رحت للموجه تانى قالى انا ماشى بتسلسل هو فين التسلسل دا بس طردنى من المكتب دخلت لوكيل الوزارة ( منطقة سوهاج الأزهرية ) وكتبتله تظلم كتبلى عليه ( يحول للموجه العام للرياضيات لاتخاذ الازم ) شاف القصة دى واحد من الموظفين صعبت عليه قالى شوفله واسطة كل الناس اللى راحت اعدادى وثانوى راحت واسطة . اعمل ايه واسطتى ربنا . ( حسبى الله ونعم الوكيل ) وادينى مستنى باقالى 3 سنين .

حد عنده حل للمشكلة دى ؟؟؟؟؟؟؟؟؟؟؟؟؟

الأستاذ الزميل أحمد

منذ ايام اتصل زميل لنا له نفس المشكلة حاصل على ليسانس اداب قسم انجليزى ودبلوم فى التربية استمر فى تدريس اللغة الانجليزية زهاء خمس سنوات والموجهون راضون عنه كل الرضا

يفاجأ عند تعيينه بمفاجأة غير متوقعة وبتعيينه مدرس فصل ابتدائى حاول وما زال يحاول دون جدوى

السبب يكمن فى عشوائية التعيينات الأخيرة

نصيحتى

الصبر مع المطالبة الحكيمة فالموجه والمدير مكتوفى الايدى الآن إزاء القرارات الوزارية المتضاربة ولكن بعد أن تهدأ الأمور يعود كل إلى موقعه

فعليك بالحكمة والمطالية بهدوء ولا تقوم الدنيا ولا تقعدها ولا تتغير الدنيا بين عشية وضحاها

وفقك الله وانى منتظر أخبارك السارة