السلام عليكم ورحمة الله وبركاته
وعليكم السلام
ازيك ياقمراية؟؟
تمام الحمد الله اززيك انتي يايه ؟؟
يارب تكونى بخير حال
الحمد الله
ايه رائيك ف البيت بيتنا؟
حلو جدااا وانا مبسطوه اني معاكم والله
وايه رائيك فى ديكور الصيف ؟
موح بالحرارة خالص صح؟
هههههههههههه اه
ونقووول
قدمى لنا بطاقتك الشخصية كاملة ؟
طيب
الاسم رنا
السن 17
المهنه طالبه بكلية الصيدله
طنطا محافظة الغربيه
اعزب
بحب الضحك على طول مش بحب الحزن
بس
ومين نت رنا ولا عاشقة جنة الفردوس؟وليه اختارتى تكونى هى؟
ال اتنين واحد والله انا في الحياه العاديه نفسها بكل
حاجه لما بتنرفز او كده
ايه هى الصفات اللى كنتى تتمنى تبقى فيكى ؟.
النسيان بسرعه
معاك تلات وردات تهديهم لمين؟
3 بس
ممكن وحده ليكي ولطمعانه تحسب وحده
ولماما وبابا تحسب وحده
ووحده كامله للانسان ال هتجوزه عريس المستقبل يعني
ولو كنت ادارية ليوم واحد نفسك توقفى مين؟
هههههههههههه ليه كده
ممكن اوقف نفسي
هل رنا متدينة؟
اه الحمد الله
وايه حالك مع ربنا الايام دى؟
الحمد الله كويس بس اكيد بحس على طول اني مقصره
بس
مين قارئك المفضل؟
السديس والشريم والعجمي وماهر المعيقلي
آية تردد كثيرا على ذهنك؟
بحب الايه دي مش عارفه ليه بسم الله الرحمن الرحيم
ان الله لا يستحي ان يضرب مثل ما بعوضه ......)
وبحب سورة مريم كلها
حديث لايفارقك لحظة ؟
قال رسول الله صلى الله عليه وآله وصحبه وسلم: (اتق الله حيثما كنت، وأتبع السيئة الحسنة تمحها، وخالق الناس بخلق حسن).
قال رسول الله صلى الله عليه وآله وصحبه وسلم: (من سلك طريقاً يلتمس فيه علماً سهل الله له طريقاً إلى الجنة).
دي الاحاديث ال على بالي دلوقتي
هل تعرضتى لخيانة من صديقة ؟ وايه كان طعمها؟
اه طعمها وحش
اعط لفظ ملكة المنتدى ع شخص واحد
طمعانه
ومساعدة الملكة
ايه
الوزيرة
جهاد
الحاجبة
مريم
قولى لنا موقف كان سبب لهدايتك من شئ ما؟
كنت سمعت مره حلقه لشيخ عن الاغاني وكده
والحمد الله بطلتها خالص كنت بسمع قليل زمان
موقف حصل لك منذ الصغر ولم تنسيه ابدا؟
ههههههه بلاش
ال افتكره اني كنت انا وماما في الحرم وماما تاهت مني وفي
السعوديه كلهم لبسين اسود ونقاب مش تعرفي تميزيهم واه بقى لو كنت
صغيره ومش فهمه المهم روحت لوحده ست وقعدت اعيط في حضنها ماما انتي روحتي
فين
وفي الاخر مش طلعت ماما قلتلي مالك يابتي في شي
قولتلها لا ما كوشي
ههههههههههههههه انفع سعوديه
بس المهم لقيت ماما في الاخر
واه في موقف كمان كنت في الحرم وبعدين بابا كان مديني 20 ريال
وانا كنت عايزه اخبيها من اخواتي فخبتها تحت سجاده
واصلا السجاجيد زي بعضها في الشكل مش تعرفي تفرقي
المهم اجي ادور عليها مش لاقيها قلبت السجاجيد كلها
ويومها رجعت مضيقه جدااا
بس
موقف محرج؟
مممممم موقف محرج بصي دي كانت بتحصلي كتير
وانا في المردسه اقوم طلعه فجأه بدل ماقول يمس اقول يا ماما ويابابا سعات
وحصلي موقف في الكليه برضوا
اني كنت دخله السكن متأخر ودخله بقى اسلم على دي ودي
وبعدين بدير لقيت المعيده بصتلي
فدخلت وسكت المهم لقيت ال جمبي لسه مش سلمت عليها
قعدت ارغي معها شويه ونضحك فالمعيده قالتلي انت يال هناك
بتضحكي على ايه في حد بيزغزك قولتلها ابدااا ده انا مش شيفه
فبسئل ال جمبي قلتلي انها كمان مش شسيفه كدبي يعني ونقلتني
قدام وفضلت طول السكشن تبرصلي بس
قولى رائيك فى المنتدى واعضاؤه وادارته الحالية؟
المنتدى جميل بجد بس فعلا مقتصر على ناس معينه
بس ومتجاهل الباقي
واعضاؤه محترمين جدااا والله
واكيد ديما في كل مكان بيبقى في الكويس وفي الوحش
بس الغالب هنا المحترمين
والاداره تمام بجد شغلها حلو اوووي
صحيح انا مش حضرة اداراة قبل كده
او مش كنت باخد بالي منهم
بس دي حسه انها كويسه جدااا
بس كفاية كدة عليكى ياقمر
ولى عودة ان شاء الله
وجزاكم الله كل خير
انتي عصرتيني ياايه
بجد اكتر اسئله عصرتني