[Dr.love ferdos paradise]

ازيك يا سكر انا عارفه انى اول مره اكلمك شخصيا
لكنى معجبه بيكى جدا وبنشاطك فى المنتدى
ربنا يبارك فيكى
ربنا يخليك يارب وانا والله نفسي اكلمك من زمان
نبدا بقى مش قادره استنى عايزه اعصرك
ههههههه اتفضلي برحتك
واياكى تجيبى سيرة امتنع فى سؤال من الأسئله بتاعتى والا
طيب هحاول على قد ما اقدر
ياللا بينا

ايه اخبارك مع ربنا؟
الحمد لله علاقه كويسه بس
اكيد بقول اني مقصره

امته فرحتى اوى ؟ وامته بكيتى من قلبك؟
مناحية الفرح فقليل اوووي كده مثلا يوم مادخلت كلية صيدله وحجتين كمان بس
وبكيت من قلبي بقى كتيررررررر على طول من اي حاجه بعيط ودي حاجه انا مش بحبها في نفسي برضوا

من الشخصيه التى تركت اثرا فى نفسك فى حياتك؟
حد عزيز عليه اوووي

من هو مثلك الأعلى؟
ماما وبابا

امته بتكرهى حد اوى؟ وهل كرهتى حد اوى قبل كده؟
بكره حد اوووي لما يضيقني جدااا ويكون عارف ان الحاجه دي بتضايقني ويعملها وكمان ال بيكدبوا كتير
اه كرهت حد اوووي قبل كده بس حطه في بالي ان
ان ممكن اسامح في وقت

وبرضه امته حبيتى حد اوى ؟
حبيت حد اووووي ممممممم ممكن في 2 ثانوي
عرفت وحده كانت قريبه مني جدااا وحبتها

وايه هى مواصفات الشخصيه اللى تحبى تتعاملى معاها؟
الصدق
الامانه
الطيبه
بتحب تضحك كتير هههههههه مش بحب الغم
وفيه بالوعد

بتحسى بايه لما حد بيمدحك؟
بتكسف ووشي بتلغبط
وبتحسى بايه لما حد يذمك؟
مش اكدب عليكي بتنرفز بس مش ببين
ماشي انا لو شايفه كده انا كمان بوافق وبتقبلها بصدر رحب
لكن لما يكون في سوء تفاهم وانا مش قدره اوصل كده بتنرفز ومش بتمالك اعصابي بس مش بعملها حاجه برضوا
وشي بيقى مولعه بس ههههههه

هل ممكن تسامحى حد أساء اليكى ولو كانت الإساءه بالغه؟
للاسف اه

متى شعرتى بالراحه والهدوء والسكينه؟
لما اقعد اتكلم مع ربنا كده اقول يارب حصل كذا كذا
بس بعدها بشعر بالراحه يعني لما افضفض مع ربنا

بتحبى تسمعى مين من المشايخ؟
محمد حسان
مصطفى حسني
محمود المصري
نبيل العوضي
محمد العوضي

وماهر المعيقلي والعجمي في القرءان

هل فيه حد قالك كلمه تركت اثر عميق فى قلبك؟
اه
وما هى تلك الكلمه؟
ال اخلاص هي صفه يعني

هل جرحك احد يوما ما؟
اه
هل انتى راضيه عن نفسك وبصراحه؟
لا طبعاا
ولو راضيه عنها ليه؟ ولو مش راضيه ليه؟
مش راضيه بقى عشان ديما بحب اكون احسن في كل حاجه
وساعات مش بعرف
يعني مثلا دراستي علاقتي مع ربنا كده يعني

واخيرا هل لفتت نظرك فى يوم وانتى بتتمشى فى المنتدى كده عضوه اسمها زهرة الياسمين(جهاد) ؟
اه والله كتيررررررررر جدا ونفسي اتعرف عليك بجد
وسمعت عنك كتير بس والله كله كان شكر فيكي
ربنا يكرمك يارب

كفايه عليكى كده عشان دى اول مره اكلمك فيها وفى يوم تانى بقى نتقابل وقولى على نفسك يا رحمان يا رحيم
ههههههههه ماشي ياقمر

وزى ما قلت ممنوع كلمة امتنع انا عارفه انى بخالف القوانين وعارفه ان اسماء وايه هايتلموا عليا يقطعونى وانا مسكينه مش هاقدر ادافع عن نفسى بس مش مشكله علقه تفوت ولا حد يموت
هههههههه ماتخفيش مش قلت امتنع

فى رعاية الله يا جميل
في رعاية الله