[أسيل رزق]

المشاركة الأصلية كتبت بواسطة كل الحلا مصرية

جزاك الله كل خير طفلة الامس ويارب تنجحى وتجيبى تقدير كبيييييييير يا رب
بصى يا طفلة انا مش حكاية احب الرياضة او كده
بس انا لو المدرس كويس بحبها جدا لان مدرس عن مدرس يفرق
يعنى انا كنت فى مرحلة الابتدائية بكره الرياضة لان المدرس - ربنا يسامحه - ما ماكانش بيشرح كويس
بس فى الاعدادية حبيتها مدرسين كويسين وكده
واولى ثانوى اول ترم كان كويس لكن تانى ترم فى الهندسة ظلمونى جدااا
لانى كان المفروض انقص بالكتير درجة لكن حسبى الله ونعم الوكيل
كان الامتحان تقريبا صعب جداااا وفى الاول هديت خاااااالص لحد ما خلصت الامتحان الا جزء بسيط وسبته وقلت ربنا هيعوضنى فى غيره وصحبتى بردو غلطت نفس الغلطة لكن ما نقصتش غير درجة تقولى ايه بقى ؟؟؟
بصى فى الأول و فى الأخر ده نصيبك .. و اللى مكتوب على الجبين لازم تشوفه العين .. يمكن لو كنتى جبتى الدرجة اللى انتى عايزاها كان ممكن بعد الشر يحصلك حاجة وحشة .. ربنا مسبب الأسباب
طب أقولك حاجة أنا فى 2 ثانوى جبت 80% و من غير درجة الكيميا جايبة حوالى 92% شفتى نقصت قد إيه فى الكيميا بس .. و سمعت كلام وحش من ناس كتير علشان درجة الكيميا و قلت دا ظلم و راجعت ورقتى لقيت نفسى ناقصة 6 درجات و طبعاً علشان أرجعهم لازم أعمل قضية و حوارات كتير و يمكن مايرجعوش و رفضت وكملت أدبى .. و ربنا كرمنى و جبت 91% .. تصدقينى لو قلتلك إنى لما دخلت الكلية عمرى ما ندمت على الدرجات اللى راحت منى فى تانية .. لإنى إقتنعت إن ده نصيبى و مافكرتش إنى اتظلمت أوى غيره .. الله اعلم لو كنت ماتظلمتش و أخدت درجاتى أو دخلت من الأول أدبى زى ما أنا عايزة كان ممكن لا قدر الله أفشل فى دراستى الجامعية
قولى الحمد لله على كل حال .. و اللى عدا خلاص إنسيه المهم اللى هيجى
طيب كنت عايزه اسألك سؤال يا طفلة الامس
هل انت كنت بتاخدى طرس عربى او مثلا سنتر او كده ؟؟؟؟
أه .. طفلة الأمس كانت بتاخد درس عربى و كانت بتعلق المدرس من رجليه فى المروحة كمان .. بهزر طبعاً
لانى بصراحه معتمدة على نفسى فى العربى وعلى الكتبر الخارجية وعلى ربنا اولا واخيرا طبعا
والحمد لله بجيب فيه درجات كويسه (( بس مش عارفه انا احل الامتحان كله صح وينقصوا 2 درجتين وكدة واراجع مع المدرس يقول ان شاء تنقصوا نص درجة تعبير او كده ربنا يهدى المصححين علينا )))
بصى .. أنا فى أول سنة فى الكلية و قلت بقى بلا كتب بلا بتاع و هذاكر من مذكرات و جبت مذكرات و الحمد لله مافتحتهاش و بذاكر من الكتب ال900 صفحة .. يعنى مش مقتنعة بحكاية الدروس دى خالص .. مضيعة للوقت .. و فى نفس الوقت شر لابد منه .. الأهل أول حاجة بيفكروا فيها لما يكون إبنهم أو بنتهم داخلة ثانوية هى الدروس الخصوصية .. فا انتى لو رفضتى أكيد أهلك مش هيوافقوا على رفضك و بتهيقلى مفيش مدرس مهما كان شاطر بيقدر يخلص المنهج فى المدرسة بشكل كويس ومفهوم خصوصاً العربى و ما فيه بقى من نحو ونصوص إلى آخره .. فا أنا شايفة إنك تاخدى درس و مش هيأثر عليكى كتير .. حاولى تختارى مدرس كويس و ذاكرى الدرس اللى هتخديه قبل ما تروحى الحصة و أهو هتستفيدى برده
إنما لو انتى مش قابلة الحكاية نهائى و حاسة إنك من غير درس أحسن يبقى ربنا يوفقك .. أل يعنى الدروس فادت بإيه .. دا أنا ناقصة 8 درجات فى العربى .. فاشلة بعيد عنك
معلش طولت عليك يا قمر
ما تنسيش تردى على سؤالى

آسفة جداً جداً جداً إنى مأخدتش بالى من المشاركة دى
حقيقى ماشفتهاش خالص .. و آسفة مرة تانية على التأخير