[SmSama&NaSoMa]

المشاركة الأصلية كتبت بواسطة طمعانه في رضاك يارحمن

بسم الله الرحمن الرحيم

ضيفه النهادره بقي حاجه كده غير عاديه

حبي الاول ف المنتدي
قصدك نفرتيتى

ماشى ياكيلو بترا

واحده بجد كل اللي يعرفها بيموت فيها
متبلغيش اوى ما فى الى عرف وعايز يموتنى

انا بحب اسم ملك اليمين
وانا كمان

وقال ايه بقت شارب نليز
هبلة

ودلوقتي معانا بعضويتنا سمسمه ونسومه
احلى عضوية دخلتها

نبدأ يانسمه
ابدأى ياعمرى

1_ المنتدي كان بالنسبالك ايه ودلوقتي ايه ؟
كان بالنسبالى حاجات كتير اوى
اخواتى
اهلى
حياتى
بس دلوقتى بصراحة مش حاجة فدول خالث
يعنى لقيت انى كنت فاهمه كتير غلط

2_ ملك اليمين شارب نليز

حستي نفسك مين فيهم ؟؟
بصى ياستى الاتنين كانو بيعبروا عنى اوووووووووووووى
ملك اليمين بجد كانت انا
كنت داخلة بريئة مغمضة مش عارفة الناس
كنت من الايد دية للايد دية
بعيد عنك تحولت
وبقيت شارب نيلز ((الاظافر الحادة))
بقيت متوحشة زى ما انتى شايفة كدة
والفضل يرجع لمعرفتى بالناس
الاسمين بجد عبروا عنى اوى

3_ امتي نسمه تقول انا اتغيرت ؟؟
ممممممم
لما احقق حلمى
واحس انى فعلا عملت حاجة فى حياتى
حققت حاجة بجد
ساعتها هتغير اوى اوى اوى
هرجع تانى لملك اليمين
ههدى كتير
لكن وانا كدة حاسة انى ولا حاجة نقطة فى حياتى

4_ نسمه بتقول لا امته ؟؟
لما ابقى قدام حاجة غلط
لما ابقى قدام حاجة مترضيش ربنا
لما الى قصداى ميقدرش يقنعنى انى اوافق على حاجة
ممكن بقى اقولها لما اجيب اخرى مع حد
ومبقاش مستحمله البيله طلباته

5_ امته الجرح يقويكي وامته يضعفك ؟؟
عمر ما الجرح قوانى بصراحة
وعمره برضه ما ضعفنى
الجرح بيبقى بالنسبالى
ممكن تقولى قتل دمار
بيشرب من دمى
حاسة اخرتى هتكون بسبب جرح

6_ نسمه بتعرف تكره

لو اه امته ؟؟ لو لاء خلاص
كنت زمان بقول انا مستحيل اكرهه مش متخيلة نفسى كارهه حد
بس بصراحة لقيت انى كنت بخرف
لحد دلوقتى بصراحة فى 4 بكرههم فى حياتى
واتنين منهم مش مسمحاهم ولا ناوية اسمحهم
لانى ماخدتش حقى منهم
ومش عيزاه خليه معاهم
كأنه فى بيته واكتر
خافى على نفسك بقى ماشى
بدل ما ادخلك فالبلاك ليست

بس مش هقدر

انتى حبى الاول

7_ امته تقولي الصمت ده نعمه
هكون صريحة والله واقولك
لما بلبخ فالكلام واقول كلام يتحسب عليا
بعدها بقى اقول ياريتنى كنت اتخرست قبل ما اكلم
ساعتها بقى اقول الصمت احلى
بعد الهنا بسنة يعنى

8_ امته نسمه كانت مالك اليمين وامته كانت شارب نليز ؟
كنت ملك فى بداية حياتى فالمنتدى وقبلها
وبقت شارب لما اتصدمت فى ناس كانت قريبة ليها
ما هو انا اصلى زى القطط بتوعى
كلم القطة تخربشك
خلقى ضيق يااسماء

9_ كلمه انا اسف(ه) لما حد قالها ليكي امته حستي ان الكلمه ديه فعلا حقيقه

وانه او وانها حاسه بغلطها وندمان(ه) عليه ؟؟
عمرى ما حسيت ان فى حد بيقولهالى من قلبه بجد
يعنى كانت بتتقلى عشان اعديها وخلاص
لكن انى احس انه الشخص الى غلط فيا
ندمان حقيقى
باستثناء شخصية فريدة من نوعها
مش اسمها فريدة
لا دية صفة وممكن تبقى نعت

والشخصية دية عارفة نفسها

10_ امته نسمه تخاف تقول انا خايفه ؟؟
احم
على طول بقول انا خايفة

مش بتكسف اقولها عادى
يمكن لما بقولها برتاح وبحس بامان

11_الدموع سهله عند نسمه ولا صعبه ف نزولها ؟
ممممممممممم
احم برضه

بيتهيألى مفيش اسهل منها فى نسمة


12_ اسماء بالنسابلك ايه ؟
احححححححححححححححححححححححححححححم

لية بس كدة جيتى عالحتة الى فوق فالشمال
اسماء دية ياستى بجد عمرى ما حسيت انى برتاح قد وانا معاها حاجة كدة تحسى انها شوية ماية شوية هوا
حاجة غالية اوى عند نسمة
ممكن تقولى انها تربية نسمة
((هتضرب))

خلاص بقى كله ضرب ضرب مفيش حاجة تانية


حجيلك تاني لان اية مش حتبقي موجوده

حظك واخده اجازه

يلا ياستى مستنياكى على نار
بس بسرعة قبل ما استوى
بس انا زعلانة منك يااسماء
يعنى انا داخلة موضوعك اتهزق
كاتبالى سيدتك بالاحمر وانا اكتب باية
ايش حال انك عرفانى

يلا بس اللون الفحلوقى دة حلو

ياهضرب ياهضرب
يلا مستنياكى لما تخلصى ادينى رنة