[جمال سراج]

المشاركة الأصلية كتبت بواسطة صفاء عزمى

كفايه تعلم انجليزيه لغه عالميه الكل نحتاجها والمهم تعلم لغه العربيه والعلوم والرياضيات اما نلغى مواد علميه ونحول تعليم الى لغات ولغات مالهاش لازمه بل ادعو الى الغاء الفرنساوى من التعليم الثانوى

شوفى يا مس صفاء
انا أؤيدك وأعارضك فى نفس الوقت
ازاى

أولا طريقة تعلمنا للغات غلط كلها انجليزى او فرنساوى او غيره
بتوع علم النفس علمونا ان الطفل لابد ان يتقن لغته الاول قبل تعلم لغة جديدة
يعنى الانجليزى يبقى حلو من سنه رابعة مثلا او خامسة مش من اولى ابتدائى او كى جى
يكون الطفل اتعلم يقرا ويكتب عربى تمام وتكونت لديه مهارات استخدام اللغة العربية

انما الحاصل دا تهريج جدا وقد ادى الى حاجات كتير منها
اهمال اللغة العربية وعدم اتقانها - يعنى لا نع فى انجليزى ولا نفع فى عربى حتى- الدراسة للامتحان فقط

كمان ادى الى زيادة العبا على ولى الامر نتيجة للدرس الجديد فى الانجليزى - وايضا الجديد السنة الماضية فرنساوى
وكمبيوتر ثالثة اعدادى
الظاهر بينفعوا المدرسين ( ارزاق)!!!!!!!!!! ربنا مقسمها

اختلف معاكى فى ان تعلم اى لغة مهم جدا فى وقتها او ممكن نخليها زى المدارس الخاصة زمان كدا مش تضاف للمجموع يبقى الطالب يدرس للعلم وبالمزاج بعد ما يدرس العربى كويس

بقى ان ارد على الزميل اللى بيقول المدارس الاجنبية او التجريبية او غيره بتعلم لغات ومستقبل وكدا
دا كلام جميل بس يا سيدى هو كل عقليات التلامذة زى عقليات طلاب المدارس دى- مع العلم بان فيها طلاب تعبانة جدا وداخلين منظرة وكتر فلوس واسالونى انا
كما ان المستقبل بيد الله - الولاد المهدية والشاطرة بطبيعتها تمشى فى اى مكان - ويبدوا ان الزمن تغير وزى ما حضرتك عارف ان الواسطة والمحسوبية تفشت لدرجة انك ممكن تلاقى معاه دكتوراه مش عارف يجيب شغلانه وتلاقى حاجة كبيرة كدا تخوف بدبلوم مثلا مع احترامى وتقديرى لاصحاب الدبلومات وكل الناس عموما
دمتم بكل خير