[مستر/ عصام الجاويش]

المشاركة الأصلية كتبت بواسطة nony20

بتقلقنى لية يا مستر يعنى قطاع المنصورة هوة الى بيصحح لاسماعيلية طب وحضرتك متاكد انهم بيعملوا كدة

مش تقلقى ولا حاجه كل شيئ بقدر الله بس انا ماسك رئيس دور فى لجنه الشربينى بنات بمنيا القمح فى قطاع المنصوره ومعايا زملاء من المنصوره كانوا بيصححوا السنه اللى فاتت وقالوا الكلام ده وكمان السنه اللى فاتت
احنا صححنا فى المنصوره ووجدنا كل المصححين بتوعهم كده طريقه تصححيهم واحده
وانا عن نفسى عانيت منهم فى ماده علم النفس العام الماضى بنتى جابت 35 من 50 فى علم النفس اسهل ماده فى 2 ثانوى بالرغم انها حلت بالظبط زى مذكره الاستاذ
وعملت اعاده تصحيح لها وشوفت ورقه اجابتها السؤال صح وغلط مع التعليل
الصح او الغلط عليه درجه والتعليل درجتين مثلا السؤال اجابته صح وبنتى عملته صح خدت درجه ماشى كتبت التعليل مفروض تاخد درجتين عليه لكن الاستاذ مش مديها حاجه خالص ليه؟ بيقولك لو نسيت كلمه مش موجوده فى كتاب المدرسه مش تاخد درجه ظلم ظلم ظلم
هما عاوزين طالب فاهم ولا حافظ؟ زميله بنتى كانت فى سنه تالته اللى كان تصحيحهم فى قطاع القاهره الجميل وحلت زيها بالظبط والله وجابت 50 من 50
لان مصححين القاهره عاوزين الطالب اللى فاهم
مصححين مش مهم عندهم الطالب يكتب حسب اسلوب كتاب المدرسه المهم يكون فاهم
مصححين بيراعوا ربنا فى عيال الناس
مصححين نفسيتهم حلوه مع كل الطلبه
وحسبى الله ونعم الوكيل فى اى مدرس بينقص درجات من حق الطالب ياخدها وهو فعلا بياخدها فى القطاعات الاخرى