موضوع رائع جداً
ولكن طبعاً أختلف معاه في بعض النقاط الأساسية
لكن أكيد المفحوصين ( من أُجريت عليهم التجارب النفسية ) هم من الغرب
يعني طقوس العلاقة العاطفية تختلف عننا
لكن العلاقة العاطفية هناك بتاخد أكتر من حجمها وبذلك بيكون الموضوع تأثيره اكبر بكتير
لان العلاقة العاطفية تتضمن العلاقات الحميمة والمقابلات المستمرة وكل ده من شانه يطبع علي ذاكرة الإحساس طبعات لا تزول بسهولة
وزي ما قولت لحضرتك الامر هنا يختلف - في الغالب - في طقوس العلاقة العاطفية ( سواء زوجية او غيرها )
دي نقطة
--
النقة التانيه فلازم نوجه الموضوع أكتر بالنسبة للرجل .. الرجل ممكن يحزن جداً ولكن ده في حالة عدم وجود بديل لإن الراجل بطبيعته محتاج للحب دايماً زي الطفل بيحب يشعر باهتمام بشكل مستمر لذلك فممكن يزول إحساسه بالإحتياج في حالة وجود حد تاني ( بالرغم من ده فممكن يكون بيدور علي شخص حبيبته في حد تاني ) لان عقله مش قابل فكرة انه يعيش من غيرها ومعظم العلاقات دي بتبقي فاشلة لانها قايمة علي شبه مُخدر
--
علاقة الحب الفاشلة برأيي قد يكون من الجانب الغربي صحيحة جداً لان ممكن يكون الواحد مطلق مراته وعادى جداً بيروحوا مع بعض شغل مثلا بيخرجوا مع بعض يتكلموا .. عادى جداً
لكن هنا الأمر بيبقي صعب لان طبعاً بحكم التربية والبيئة اللي عشناها معندهاش الإمكانية لتقبل الأمر بالطريقة دى او التماشي مع ان مش مشكلة حبنا فشل ولكننا هنبقي أصدقاء لأن لما بتحصل هنا بيبقي ليها معني واحد بس ان الحب ده مكانش حب أصلا
--
ده رأيي باختصار وأسف علي الإطالة
شكرا للموضوع الجميل