[basmet el rabi3]

انا عاوزة امسح كل حاجة وحشة قابلتها او سمعتها او شفتها فى حياتى
عاوزة امسح ناس قابلتهم و اتغشيت فى مظهرهم , عاوزة امسح ناس الظروف حكمت يبقوا متحكمين فى حاجات تمسنى و تمس غيرى و لم يراعوا ربنا فينا و ظلموا و افتروا
عاوزة امسح كل كلمة غير الحق إتقالت عنى أو عن غيرى ظلما و إتسببت فى الأذى
عاوزة امسح كل الكلام التافه و البذاءات اللى بأسمعها من بعض الناس اطفال و شباب و كبار بلا خجل و لا حياء فى الشارع و الأماكن العامة و لا حد بيحس بالكلمة العيب
عاوزة امسح صور الحروب و القتل و الجرائم اللى بتحصل هنا و هناك , عاوزة امسح صور الأطفال القتلى و الجثث و الأشلاء المنثورة هنا و هناك
عاوزة أمسح صور الناس اللى بتنافق بعضها عشان مصالح دنيوية
عاوزة ...
عاوزة ...
عاوزة صفحة حياتنا تبقى بيضاء بتبرق ... عاوزة الناس تحب بعضها بجد ... عاوزة كل واحد يأخد حقه بس و يسيب لباقى الناس حقوقها
الدنيا ربنا خلقها لكل الناس ... مش لناس آه و ناس لأ
ربنا آتنا فى الدنيا حسنة و فى الآخرة حسنة و قنا عذاب النار