[الاستاذ محمد سرور]

المشاركة الأصلية كتبت بواسطة نادر الاسكندرانى

الى مشرفى الرياضيات2 : ا ب ج مثلث متساوى الساقين ق < ا =120 اثرت قوى مقاديرها 2 2 2جذر 3
فى ا ب ا ج ب ج على الترتيب برهن ان المحصلة تنصف ب ج وتوازى احد الضلعين الاخرين

بسرعة حقولك ازاى تجيب المحصلة
انت بتقول ان قياس أ = 120
يبقى قياس ب = قياس جـ = 30

ارسم محاور عن نقطة جـ بحيث يكون المثلث فى الربع الاول ويكون ب جـ هو محور السينات
انقل القوة اللى أب الى قوى توازيها تبدأ من جـ علشان يبقوا ثلاث قوى متلاقية فى نقطة
وحتلاقى القوة اللى فى بج زاويتها = 0لانها محور السينات
القوة اللى أ جـ زاويتها = 30 من المثلث

الزاوية اللى أب بعد ما اتنقلت بقت عاملة زاوية 150 مع الجزء الموجب لمحور السينات لانها عاملة 30 مع السالب وهى مكملة لها

بس خد بالك القوة اللى تخرج من جـ زى ب جـ تبقى اشارتها موجبه
والقوة اللى تدخل الى جـ مثل أ جـ تاخد اشارة سالبة
وعوض فى قانون
س= ق1جتاهـ1+ق2جتاهـ2+ ق3 جتاهـ3
ص = ق1جاهـ1 +ق2جاهـ2 +ق3جاهـ3

وهات المحصلة = الجذر التربيعى ل ( س2+ص2 )

كدة انت معاك المحصلة .....الف مبروك

نيجى بقى للجزء الاسهل من السؤال

عندك قاعدة بتقول ايه يا حج
لو عايز تثبت ان ق توازى أ ب مثلا
يبقى نجيب عزم ق حول أ وعزمها حول ب لو طلعوا متساويين تبقى بتوازيى خط عملهم
ولو عزم أ = سالب عزم ب يبقى ق بتنصفهم

طبق دة مع المثال دة وهات عزم المحصله حول أ , ب , جـ

وشوف حتلاحظ ايه وطبق الكلام السابق عليه