اعتمدت فى حلى أن حاصل ضرب متجهين اتجاهياً يعطى متجه ثالث عمودياً على المتجهين
أما إذا كان حاصل ضرب المتجهين صفر فهناك احتمالين
إما أن أحدهما بصفر أو أن المتجهين متساويان
كل اللى عملته قولت أ × ب الداخلى هتساوى متجه تالت و ليكن جـ و هيكون عمودى على أ و ب----------|
بعدها ب × جـ المتجه اللى لسة مطلعه و هيدينا متجه رابع و ليكن ء و هيكون عمودى على جـ و ب---------||
ولما أ × ء = 0
هيبقى فيه الاحتمالين اللى قولتهم فى الأول
إما أ يوازى ء و لكن ء عمودى على جـ و ب من (||)
إذاً أ عمودى على ب #1
أو أن أحدهما متجه صفرى
أ لا يساوى صفر(معطى) إذاً ء هى التى تساوى صفر
و لكن كما افترضنا
ب×جـ = ء من (||) إذاً ب×جـ = صفر
إما أنهما متوازيان و ده مرفوض لأن جـ عمودى على أ و ب من(|)
أو أن أحدهما صفرياً و ب لا تساوى صفر(معطى) إذاً المتجه جـ هو الذى يساوى صفر
و كما افترضنا جـ = أ × بمن (|) إذاً أ ×ب=صفر
وحيث أن أ ،ب كلاهما متجهين غير صفريين(معطى)
إذاً أ يوازى ب #2
من 1 و اتنين ينتج أن
أ يوازى ب أو عمودى عليه
==========================
يا رب يكون حلى مفهوم
ربنا يوفقكم جميعاً بس إن شاء الله الامتحان بعيد كل البعد عن هذه التعقيدات
و على فكرة امتحان السنة اللى فاتت لم يكن بالصعوبة ده كلها كل الحكاية عايز واحد مذاكر و داخل يحل الأسئلة المطلوبة بس
يعنى ميفكرش يحل الاختيارى الزيادة و إذا لقى وقت يراجع يبقى خير و بركة
أما الحكاية كلها كانت الصدمة لا أكثر و لا أقل
عموماً ركزوا فى التمارين المشهورة أما الأسئلة الصعبة خلوها على الأساتذة و هم كفيلون جداً بها
و يمكن عجبنى حكاية لما سؤال يقف تسيبه مش هيجى فى الامتحان هو ده الصح
بس كل الحكاية نسيبه علشان نستغل وقت التفكير فيه لحل أكتر من مسألة تانية و أهم منه
آسف جداً على رغىّ الكتير أوى
و عن نفسى أفضل الموضوع يتحذف لأن مسائله مش موضع امتحان
ممكن نعمل موضوع للأسئلة الصعبة موضع الامتحانات و ده مسائل كتير و معروفة
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|