[المجاهد فى سبيل الله]

السلام عليكم
لا حول ولا قوة الا بالله
فعلا انت لازم تقول وباعلى صوتك على الحق
ومينفعش تسكت عليه
بس هو ايه الحق الى انت جى تتكلم عليه
انت جى تتكلم عننا
طب وليه مقولتش لا لفلوس اتحاد الطلاب الى بتتنهب قدام عنيك
طب ليه مقولتش لا لاسعار الكتب الى تخطت كل الخطوط وانت برضه بتشتريها وانت فرحان
طب ليه مقولتش على التدخل الامنى الرهيب الى وانت داخل كليتك بتتفتش كانك داخل رئاسة الوزراء وانت بتسمحله يفتشك زى السع
طب ليه مقولتش لا من غير خوف للدكاتره الى بتاكل حقك فى تعليم بدون اى قيود ولا تحكم فيك منهم وانت قاعد زى الكتكوت فى مدرجك
انت عارف ليه انت حاسس انهم مسيطرين على الكليه
لانهم بيرفضوا كل ده وانت قابل
يا ريت لما نيجى نقول لا
انا بقولها فى وشك اهوة
لو انت راجل متخدش ولا تشترى المذكره الى بنطلعها كل سنه
لاننا بنكون تعبنا فيها اوى
ولا اقولك لو انت راجل متنضمش للاسر الى بنعملها وبيتم فيها الشرح لوجه الله
ولا اقولك لو انت راجل متحضرش الحفلات الى بنعملها لاوائل الطلبه
ولا اقولك ايه ولا ايه ولا ايه بس
يلا حسبنا الله ونعمى الوكيل