بجد الموضوع تحفة والردود موتتنى من الضحك بجد بجد انا فى العيد وانا رايحة اصلى انا وصاحبتى طبعا رايحين متاخرين وصلنا بعد ما خلصوا صلاة والله من يوم ما اتصاحبنا انا وهى وحلو حياتنا نصلى صلاة العيد مرة واحدة قبل ما نتوكل على الله ونموت المهم سيبكوا من الرغى ده المهم شفنا بنت لبسة بنطلون وسقطاه ولبسة حزام اخوها وقميص ابوها وترحة وجزمة اخوها الصغير بجد البت دى شردناها من التريقة وعاملة كمية الوان مختلفة فى وشها كان شكلها فظيع كانت عملة علبة الوان فى وشها بجد البت دى روقناها تريقة واحنا بنات مابالك بقى الولاد يعملوا ايه ومرة تانية كنا فى المدرسة وطبعا هربانين من الحصة المهم مدرسة من اللى هما بتوع التربية العملى بس اللى هما بيبقوا مدرسات اخصائييات اجتماعيات دول اللى بيبقوا متخرجين من خدمة اجتماعية (ادينا بشرح اهوه عشان الجهل له ناسه) المهم لابسة فست وياريت لابسة فست وفوق الركبة ومش لابسة تحته بنطلون لابسه تحته البناطيل الكارينا الجديدة دى اسمها لجن مش عارفة ايه ده والله مجرد تغيير للون الجسم ولافة الترحة اسبانش زى اليهود وكنا قاعدين جمب المكتبة وهى كانت داخلة المكتبة المهم كان قاعد معانا بتوع التربية العملى التانيين وكلنا تنحنا لها وواحدة منها بتقولك ايه ربنا يكون فى عون الشباب واحنا محدش فينا راضى يمشى مستنيينها لما تخرج من المكتبة ومدرسة من اللى هو بتوع التربية العملى جت وقفت جمبنا صاحبتها بتقولها يلا ننزل قالتلها انا مستنية المزة اشمعنا هما والله بتحصل المواقف دى مع البنات كتير ولا لما بيمشوا يدلعوا ببقى هفرقع منهم اصل انا مش بحب المياعة دى اللى يقول على دى رقة يبقى عبيط فى بنات تشوفها تقول عليها رقيقة وبتبقى فى قمة الاحترم مش بتتدلع زيهم ولا بنات تالتة ثانوى اللى فاكرين نفسهم رايحين النادى دول بييجوا حاطين ميك اب كامل اسكت متفكرنيش عشان بتشل والله فعلا ربنا يكون فى عون الشباب من اللى البنات بيعملوه معلش طولت عليكم اصل انا رغاية
|