[المخلص]

المشاركة الأصلية كتبت بواسطة mokhtar1961

من أجل حفنة جنيهات تحقد على الأئمة دا خير وربنا أرسله لهم ماإنت بتاخد مكافأة امتحانات من كام سنة وبتعطى دروس خصوصية والإدارى الحاصل على دبلوم ويعمل فى التربية والتعليم بيقبض اكتر من الامام - ليه ماتكلمتش على الساعى فى محكمة وشفته بياخد كام ده حوافزه 200% غير البدلات الأخرى ومين قال لك ان الإمام بيؤذن - الآذان منوط به للمؤذن نفسه وبيكون أحد العمال ثم وبعدين الإمام دائما بيذاكر وبيجتهد وبيطلع دائما ومحتاج دائما لشراء كتب أما أنت فمحلك سر هوه المنهج اللى إنت بتقوله كل سنة وكان الله بالسر العليم ياإخوانى الأئمة حقوقهم دائما مهضومة وليست لهم نقابة تدافع عن حقوقهم يكفى بهدلتهم دائما فى أمن الدولة يكفى أى شخص مهما كان قليل الشأن أن يشتكى الإمام ويبهدله حتى لو كانت شكوى كيدية سيبوا الأئمة فى حالهم أنا أعرف بعض الأئمة يريدون الإنتقال للتدريس فى المعاهد الأزهرية بشرط وجود بديل على نفس الدرجة ولايجدون البديل وأقسم بالله أن أحدهم يريد العمل ولو ساعى لكى يهرب من هذه الوظيفة

اولا اعتقد انك مش مدرس ولا ليك صلة بالمدرسين ولا التعليم لانك لو مدرس هتكون اقرب ما يمكن للي بيحصل للمعلم مين قال لحضرتك تان كل المدرسين بيعطوا دروس خصوصيه مين اقل لحضرتك ان كل المعلمين محلك سر في منهج واحد مين قال لحضرتك ان اي مدرس بيحقد علي اي موظف اخر كل الفكره ليه المعلمين بالذات اللي ليهم امتحانات كادر ليه الاوقاف والدوله متعملش ذي وزارة التربية والتعليم امتحان كادر للخطباء والائمة مع ان المفروض يكون الامتحان لهؤلاء بالاخص ومين قال لك ان كل الائمة بيجتهدوا ويتعبوا ويبحثوا هل تعلم ان هناك بحث تك اجراءه واثبت ان اكثر شخص معرض لامراض القلب والسكته هو المعلم هل تعلم ان اكثر شخص عليه ضغط هو المعلم المعلم يتعامل دائما مع انواع مختلفه من الطلاب منهم الذكي ومنهم المستفز ومنهم المنطوي وغيرهم المدرس يتعامل مع اطفال عارف يعني ايه اطفال لابد وان يكون صبور المعلم يتعامل مع فصل 50 طالب كل حصه وكل ساعه المعلم بيعمل 6 او سبع ساعات يوميا عكس الاخطباء تعاملهم مع الناس الخطبه واقامة الصلاة ان وجدوا بالفعل يا اخي حرام عليك لا تظلم غيرك وانت لا تدري ما هم فيه والاخ صاحب الموضوع عامل المقارنة ليس للحق ولكن للظلم ناس تزيد دون امتحان وناس يطلع عين اللي ........... علشان فتات تتوزع علي سنين وامتحانات كادر وغيره يا اخي هل تعلم واكيد انت تعلم مليون في المئه ان اعلي راتب في اي مكان في العالم هو راتب المعلم هل تعلم ان اكثر شخص في العالم له حق واحترام هو المعلم وفي النهايه عجبني اوي كلمة الائمه بيتعبوا دي انت تتحدث وكاننا من عالم اخر اي كانه لايوجد في شوارعنا وبيوتنا مساجد اسال اي امام اذا كان هو منتظم بيحضر قبل الصلاه بكام دقيقة وبيمشي بعدها بكام دقيقه عايزك تسال اي امام بيصلي الفجر امام بالمصلين كم مره في الاسبوع انا لانكر اهميه الائمه ولكن ليس اي ائمه هناك الائمة الافضال الذين يقدمون افضل مالديهم ولكن كلامي علي الغالبيه العظمي