[CoMMaNdo]

انا قولت انزلكوا شويه كمان:D

فجأة بعد طول انتظار
واحد يقوم من الكرسى اللى انا واقف ادامه عند الماصورة
اضطريت اقعد مكانه عشان المشوار بعيد شوية قلت اخد ريست هنا شوية
كنت قاعد جمب الشباك
ببص جمبى لقيت ميكروباص الصوت اللى خارج منه اعلى من الصوت اللى فى الاتوبيس واللى فى الشارع كمان
شدنى الصوت ليه
بصيت لاقيت ضحكات غريبة باصوات متفاوتة من مجموعة بنات

متعرفش ايه السبب فى الضحك دا
فيه حد بيزغزغهم واللى بيقولوا نكت متعرفش
شدنى اوى منظر واحد حاتط ايده على كتف واحدة وقاعدين ولا فى دماغهم
وعمالين ضحك وهزار عادى جدا
فجأة يطلع صوت يهز الجبل من السواق: شيل ايدك ياكابتن احنا مش فى سيما
طبعا الواد اتفحم هوا البنت ومسمعتلوش صوت
وبحركة صغيرة من السواق مد ايده للكاسيت وشغله
اول ماشغله تسمع صوت الاستاذ عمرو خالد عامل زى صواعق الرعد : الصلاة....الصلاة هى عماد الدين.....
تحول الميكروباص من نايت كلب
الى هدوء تام
مش عارف الهدوء دا كان عبارة عن خجل واللى تمعن فى الكلام واللى ايه بالظبط
بس طبعا كنت مفسوط جدا وسالت نفسى
لو مثلا ال10 اشخاص اللى فى العربية دى
لو مواظبين على الصلاة وبيقيموها وخايفين عليها وعلى دينهم كان هيبقى دا حالهم؟!

وانا قاعد بافكر فى الموضوع دا وسرحان وبعدت شوية عن الاتوبيس اللى انا فيه
بارجع بنظرى الاقى بنت طلعت الاتوبيس لوحدها وجت وقفت عند الكرسى اللى انا قاعد عنده
وسبحان الله متعرفش الاتوبي كله بقى فاضى ازاى وزحمة اوى فى المكان اللى هيا وقفت فيه
الناس كلها بتزاحم مين اللى يقف هنا وسابوا الاتوبيس كله فاضى
طبعا اضطريت اقوم واقعدها مكانى احسن ياكلوها هيا والاتوبيس ولسان حالى بيقول
انتى ايه اللى جابك هنا كنتى رحتى النايت كلب اللى جمبينا دا
اهو كل اللى نابنى انى ملحقتش اتهنى بالكرسى