السلام عليكم ورحمة الله وبركاته
طبعا الشغل ولا أروع يا مستر محمد
وأى شغل من حضرتك مش منتظر تقييم من أى شخص
يكفى أنه شغل حضرتك
وبما أن ده أول درس جرامر حضرتك تعمله مذكرة ويخرج بهذه الروعة
يبقى كلنا كده منتظرين من حضرتك مذكرة لكل موضوعات الجرامر اللى المنهج
ياريت حضرتك ما تحرمناش من الروعة والتألق اللى ملوش مثيل ده
ولكن بعد إذن حضرتك لى تعليق بسيط وإستفسار على جزئية صغيرة
وأرجو من باقى الأساتذة المتألقين هنا فى المنتدى مشاركتنا بالرأى
لأن الجزئية دى أنا وجدت بها إختلافات كثيرة بين الكتب الخارجية بعضها البعض وأيضا الكتاب المدرسى
وكمان بين مذكرات الأساتذة فى المنتدى
إسمحلى أن اقتبس جزء من المذكرة وبعد كدة هوضح الخلاف فين وبعدين هقول رأيي ومنتظر تعليق حضرتك والتوضيح
عندما تذكر must فى الجملة تحول حسب معناها
إذا جاءت must بمعنى الضرورة فى الحاضر تحول إلى had to
Ex: He said,"I must take the medicine
He said that he had to take the medicine
دة شرح حضرتك فى المذكرة والمثال
وجه الخلاف
فيه جملة قريبة من دى جدا فى الكتاب المدرسى فى صفحة 47 Exercise B رقم 3
You must take these tablets for a week
كتاب Teacher's Guide حللها بالشكل الآتى
The doctor said I must take the tablets for a week
هنا طبعا must بتعنى الإلزام ومش متغيرة لــ had to
أنا طبعا عارف أن كل الكتب الخارجية تقريبا بتقول أن must عندما تعنى الضرورة تحول إلى had to
ودة عكس اللى موجود فى الكتب المدرسية
وأثناء بحثى عن حل لهذه الإشكالية وجدت مذكرة هنا فى المنتدى للأستاذ الحجازى
ورابطها هنا
http://www.thanwya.com/vb/showthread.php?t=107001
وبيقول فى الجزئية دى
أن Must تحول إلى had to عندما تعنى الضرورة
وتبقى كما هى ولا تحول عندما تعنى الإلزام
وانا أميل إلى هذا الرأى
ولكن المشكلة تكمن فى تحديد الفرق بين الإلزام والضرورة
وكيف نعرف أن هذا الموقف يعبر عن الإلزام وهذا يعبر عن الضرورة
أرجو من كل الأساتذة الكرام المشاركة بالرأى لنصل لرأى واحد ينفع الطالب ويستفيد منه الجميع
وشكرا يا مستر محمد الشاذلى على هذا العمل المتميز
وأرجو ألا تعتبر ملحوظتى الصغيرة هذه نقدا لعملك
ولكنها محاوله للوصول إلى المعلومة الصحيحة والحل المثالى
وننتظر المزيد من الأعمال المميزة فى القوعد مثل ذلك العمل
وأرجو أن نصبح أصدقاء