[eSilverfox]

المشاركة الأصلية كتبت بواسطة dr.diamond

السلام عليكم

مبدأيا كده فكره انك عايز تبقى احسن دى فعلا تعتبر حاجه اجابيه وكويسه اوى

يبقى لازم تحط اهدافك من الاول عشان تبقى عارف طريقك من الاول

انت عايز تبقى كويس فمستواك يرتفع وتقدر تجيب مجموع عالى وتدخل الكليه اللى نفسك فيها

يبقى انت تحط الاهداف دى ادامك وانت بتزاكر وتحفز نفسك انك تحققها

وكل ما تلاقى نفسك كسلت افتكر هدفك اللى بتسعى اليه وهتلاقى نفسك بتكمل مزكره

افتكر كميه الدروس اللى هتاخدها والفلوس اللى بيدفعوها و راضيين تماما لانهم املهم فيك كبير

افتكر دايما احساسهم بالفرحه لما تدخل كليه كويسه اللى انتى بتحلم بيها وان تعبهم وتعبك مضاعش عالفاضى

فى طريقه تحفيز تانيه انا عن نفسى كنت بستعملها بينى وبين نفسى هاقولك عليها

يعنى من زمان حلمى كان صيدله

كنت مثلا اجيب ورقه كبيره كده واكتب فيها عبارات تشجيعيه لنفسى

يعنى مثلا زاكرى وركزى عشان تروحى كليه الصيدله

ودى بقى حطاها فى الدرج على طول اول اما الاقى نفسى مش عايزه اذاكر ومكسله او بطيئه او مش مركزه

اطلع الورقه وابصلها وبرضه افتكر تعبى وتعب اسرتى كله فى الوقت ده زياده تحفيز والاقى نفسى بكمل مزاكره فورا يعنى كان ليها مفعول السحر بالنسبه لى

وبرضه افتكر دايما ان ربنا مش بيضيع ابدا تعب حد ومش بيساوى اللى تعب بالى متعبش

ودايما متبصش اللى مستواهم اقل منك وتقول انا اعلى منهم لا بص للاعلى وتقول ليه مبقاش زيهم وتحاول توصلهم وطبعا تصاحب ناس شاطره تشجعك عالمزاكره مش ناس تنزل من مستواك


اما بالنسبه للمدرسين فمتشتتش نفسك كتير لان اصلا مفيش مدرس مفيهوش عيب كلهم مهما بلغت شهرتهم هتلاقى فيهم عيب مش هيعجبك فانت تختار مثلا المدرسين اللى يرشحهوملك ناس دخلوا كليات كويسه ويكونوا فى نفس الوقت قريبين منك عشان الوقت والمجهود رايح جاى غير وقت الدرس ولو عجبك مدرس متغيروش عشان سمعت ان مدرس تانى حلو وبرضه انت اللى بتمشى المدرس مش هو يعنى لو مش بيحل كتير انت تحل وهو يصححلك لو مش بيفهم اوى بس بيحل كتير متسيبوش الا اما تفهم و هكذا

بالنسبه للفرنساوى والايطالى فانا عن نفسى كنت اخدت فرنساوى عشان كنت واخداه قبل كده ومادام انت تجريبى يبقى اكيد واخده قبل وانا برضه سمعت ان الايطالى اسهل بس مجربتوش فمقدرش احكم عليه تقدر تسال حد اخده او تصلى صلاه استخاره وتختار بعد كده

وربنا يوفقك باذن الله واى حاجه تانيه احنا موجودين

ربنا يبارك فيكى يا دكتور دياموند بجد كلامك فعلا افدنى وان شاء الله احاول أمرن نفسى من الترم التانى

ولو احتجت اى حاجة ان شاء الله هرجعلكم