[FRANKENSTEIN]

المشاركة الأصلية كتبت بواسطة TRAVEL

انا مردتش اسال لغايت دلوقت
اصلى ماشية بمبدا الاخير ربه كريم

ههههههههههههه
احسن برضه
واللي مبيردش خالص بيكون حظه احسنه

اهلاااا باللماضة
استعنا على الشقا بالله
-1- اذا ذكرت اللماضة ذكر بسام رشوان
ليه

ههههههههههههههه
حرام بجد السؤال دا جاوبت عليه قبل كدا اكتر من مره
تقريبا هو نفس السؤال بتاه بجاوب باسلوب ساخر او بتصحك كتير
يعني زي ما تسألي واحد الساعه كام يقولك 11 مثلا
تقوليله طيب طب بص شوف الساعه كام ف ايدك يقولك برضه حداشر
تقولي طب طيب الوقت كام دلوقت يقوم الراجل منتحر

بصي ححاول اجاوب بتلخيص ومن غير كلام كتير ملهوش لزمه
انا وانا صغير كنت بتعصب بسرعه وكنت بتضايق جدا لو
حد اتريق عليا او اتكلم معايا باسلوب مش كويس
كنت رهيف ودمعتي ع خدي
بس
فحاولت اكون بارد شوية او ابطل عصبيه
واقدر ارد كويس
وحاليا بصراحه اتعودت اتكلم كدا
حد عنده مانع :d
-2- اول ما دخلت المنتدى كان اسمك ايه؟
سمعت انك غيرته كتييير
ممكن تقول ايه هى الاسامى

هههههههههههههههههه
عرفتي منين موضوع الاسامي دا
كان ف الاول بات مان 2 وبعدين knight`s tale
وبعدين daredevil
واخيرا دا :D
-3- ايه الفرق بين بسام زمان وبسام دلوقت ف الحقيقة

حاجات كتير
انا حاليا اقل جهل من زمان
اعرف اكتر بس لسه جاهل
حاليا اقل عصبيه م الاول
وبصراحه ميولي اتغيرت كتير او طريقه تفكيري اتغيرت
يعني حاليا بحس اني وانا صغير كنت تافه او سطحي
-4- ايه الفرق بين
FRANKENSTEIN واساميك القديمة زى مثلا بات مان


دااجمل او دا اول اسم يكون ليه سبب حقيقي
مش مجرد اعجاب بفيلم :d
-4- بتميل نوعا ما للسخرية ف ردودك
ليه

جاوبته قبل كدا
الكوميديا او السخرية اسلوب بيكون نابع من اليأس او الاحساس بالاحباط
من وضع ما
فالاسلوب الساخر بيكون الاحسن ف كشف تناقضات وضع ما
واحتماليه تغييره بتكون موجوده
بس مش زي الاسلوب المنطقي :d
-5- لو فى بسام 2 نفس شخصيتك نفس اسلوبك هل تحب انك تتكلم معاه

ليه نفس اسلوبي
اكيد ححب جدا اتكلم معاه
حيكون حوار مسلي
بس ليه نفس طريقة تفكيره
مظنش اني حضيف حاجاه او استفيد حاجه لو اتكلمت معاه
زي ما بيكون معاك نفس الجزء من عملة ما مرتين

-6-
لاحظت فيك انك مبتحبش التواضع
اشمعنى الصفة دى

وليه


لا مش كدا
مفيش انسان مبيحبش التواضع
او بيتمني انه يكون متواضع
بس صفه التواضع مش موجوده غير ف قله من الناس
صعب تلاقي انسان متواضع
انا بس صريح ف النقطه دي او مبدعيش صفه مش موجوده
صفه الغرور تعتبر صفه بشرية او انسانية بتميز الانسان
تقريبا لحد النهارده الانسان مقتنع انه كائن فريد من نوعه او
انه محور الكون او محور الحياه
رغم ان حياه الانسان او استمراريته مرتبطه بالطبيعه
بس استمرارية الطبيعه حتمية الي فتره ما
حتي ف عدم وجود الانسان
او زي ما بيقول مارك توين
لا توجد درجات للغرور ..توجد فقط درجات في اخفاؤه
او زي ما بيقول انيس منصور " لا تتواضع فانت لسه عظيما الي تلك الدرجه "
-7-

النفاق عملة التعامل ف الزمن ده
او
ف المنتدى ده
صح ولا غلط

النفاق طريقه للتعايش بهدوء
او طريقه لتجنب المشاكل


-8-
رد
-9- ليه مبتحبش تقول رايك بصراحة ف الاعضاء


دا انا
امتي الكلام دا
بالعكس انا صريح بطريقه مستفزه
بس طالما مش حضيف حاجه جديه او اقول حاجه مفيده استفيد منها
يبقي ملهوش لزمه رأيي
كفاية اللي اتقال الاسبوع اللي فات
-10- من وجهة نظرك
مين
. . احسن عضو . .
انا طبعا
او ممكن يكون احمد رضا
. . احسن عضوة . .]
للاسف مينفعش انا
يبقي برضه نفاقا
زينب او اسدات او ياسمين او ايا يكن
. . احسن مشرف قسم . .
مشرف المكتبة العامه
عشان مش محتاج يعمل حاجه
مش اكتر
. . احسن مشرفة قسم . .
كلهم زي بعض
كله ماشي
. . احسن ادارى . .
كله محصل بعضه
. . احسن نائب ادارة . .
اسلام بس شكله خلع او اتخلع اليومين دول

. . احسن ادارة موكع . .
اكيد الاستاذ عصام
(هتحط اسم واحد بس)
-11- لما شفت ردودك الدبلوماسية ف الموضوع هنا
احب اقولك انى رشحتك
تان سوسة
او
تان دبلوماسى ف المنتدى

ايه رايك انت مش كده فعلااا


ههههههههههه
دا انا دا
كويس انتي مشوفتيش ردودي قبل كدا
كنتي حتشوفي دبلوماسيه بجد :d
-12- على مين تقول كده
طيب (ة)
ايمن او ياسمين
بتتفهم (ى) غلط
مين مين مين
معرفش :d
رقيق (ة)
ههههههههههه
فيه حد ركيك معانا هنا
اكيد مش انا
مشفتش
رومانسى (ة)
ههههههه
فيه عبط كتير معانا
بلاش اسامي
كداب (ة)
حلو وكداب ليه صدقت
مين دا
معظم اللي بيشجعوا الزمالك كدابين ع فكره
كلهم بيقولوا بطلنا نشجع كوره
بس للاسف مبيبطلوش العاده السيئة دي :D
منافق (ة)
لا بلاش دا
الناس هنا بتزعل بسرعه اوي
اقوالكم غير افعالكم
اداره الموقع
فوق (ى) من اللى انت فيه
اي واحد بيفكر انه يخض طب
من جمالها يا خويا
ربنا يهديك (ى)
يهديكي يا زينب يا رب
قادر
كفاية دول دلوقت
-13- بما انك عضو قديم
ايه رايك ف
البرى
محمد بصراحه اكتر من اخ
من الناس اللي غيرت جدا ف حياتي
او من الناس اللي مقدرش انسي اللي عملته معايا
محمد برضه بيكتب شعر واسلوبه جميل جدا
بس عيبه انه مبيحبش حد يختلف معاه ف حوار او انه عصبي شوية

بالمره دي حاجه لمحمد
قديمه شوية بس كميله

المركب مش لاقيه المينا
وقلوبنا غرقانه حزينه
في آلمها اللي معشش فيها
والآها جوانا دفينه
المركب تايهه على مرسى
مش قادره في يوم توصل بينا
البر ليه عنا بيبعد
والضعف ليه بينهش فينا
الحُب في قلوبنا بيدبل
والدمعة بتموت في عنينا
الجرح جوانا بيكبر
واليأس يجيبنا يودينا
لمطرح ما كُنا بنحلم
بعديها بقسوه بيعمينا
أشباح الخوف بتطاردنا
وفـ أحضانها بتخبينا
ولسانا مسجون م الصدمه
معقوله لكلامنا نسينا
الرحلة صعبة مش سهلة
زي ما رحُنا زي ما جينا
بتاخدنا الأيام ليه من الفرحه
على شط الأحزان ترمينا
لا خطوة منها بنتقدم
في الأخر بنلوم بعضينا
والأشواك في زهورنا بتجرح
وبتخنق فراشتها إيدينا
أحلامنا يا ناس هتموت منا
ونلوم الحظ ونفسينا
لو كنا تعبنا في يوم ليها
مكانشي دا هيحصل لينا
لو كُنا نطقنا بكلامنا
المركب كات لقيت مينا
المركب كات لقيت مينا



يورى

من الشخصيات برضه القديمه
اللي كانت بتمتمع بحب واحترام معظم اعضاء الموقع
بس تقريبا مسبقليش اني اتكلم معاه
صيدلانية
هههههههههه
دكتوره مها تقريبا
بجد من اكتر المشرفين اللي اشتغلوا ف الموقع دا
حاولت كتير بصراحه بس ف الاخر زهقت
هي فعلا شخصية محترمه جدا جدا كمان
من الناس اللي بتتكلم بهدوء واسلوب بسيط
كانت بتجبر اي عضو حتي لو اختلف معاها انه يحترمها
بورسعيدى
الاستاذ مجدي
اقول ايه بس
الاستاذ مجدي من اقدم واحسن الاعضاء الموجودين ف الموقع
اسلوبه بسيط جدا وهو بيتكلم مع الاعضاء
بيتكلم بتلقائية وبساطه جميله جدا
وبرضه من الشخصيات اللي كانت ليها تأثير ع اعضاء كتير
وكان ومازال قدره او مثل يحتدي بيه


THE_SAD_SMILE
هههههههههه
اعوذ بالله
لا بلاش
حسكت
بسملة
برضه عضوه محترمه ودمها خفيف
واسلوبها بسيط وجميل
منى الشقية
من الناس اللي كانت صريحه جدا
كان اسلوبها جميل بجد
بس اهي مشت برضه
بنوتة مسلمة

بصراحه مش فاكر حد بالاسم دا
انا بشبه ممكن تكون هيام سمير
برضه كانت عضوه محترمه وذوق
-14- ايه رايك ف شخصية واسلوب الاعضاء القدام اللى لسه موجودين ف المنتدى


اكيد مش زي الاول
معظم الاعضاء القدامي سابوا الموقع
بس الموجود منهم مشاركاته وردوده قلت جدا للاسف

-15- كل مشاركة ليك لازم اشوف ضحة فيها
ايه سر الابتسامة الفظيعة دى


ههههههههههههه
انا حر عندك مانع :d
-16-

ليه بتقول كده

او
ليه قلت عليهم حمقى
وضح وجهة نظرك

يعني اظن ان ربنا خلقلنا لسان ليه
او ايه الفايده منه طالما بعض الناس بتحبب صفه السكوت او الصمت
لو كان الصمت من ذهب يبقي الكلام من ايه
بصي الكلام المنطقي اظن انه هو فعلا اللي من ذهب
اجاده الانسان لفن الكلام او فن الخطابه اعظم من اي كنز
يعني كمثال ادولف هتلر كان احد اعظم الخطباء او اللي اجادوا فن الكلام
قدر ف سنوات قليله جدا انه يوصل لمنصب مستشار المانيا
وانه يوصل فكره - وان كانت عنصرية -
لملايين من الاشخاص ويقنعهم بيها
وبالمثل نابليون
او الرسل بصفه عامه
مظنش ان رسول نشر رسالته بالصمت

منكرش احيانا ان الصمت او التجاهل احيانا بيكون افضل ف بعض المواقف
بس الصمت اسلوب الضعفا او المتواكلين
واكيد اللي قال جمله الصمت من ذهب
يا انسان ضعيف يا حاكم :D
-17-
بمناسبة العقليات
ايه رايك ف العقليات اللى فيه


من جهة
بلاش السؤال دا عشان عايز وقت و تفكير
-18-
مالها البنات
ايه رايك ف عقليات الزمن ده صحيح


مفيش حاجه اسمها بنات او ولاد
صعب اوي موضوع التعميم دا
فيه شخصيات مستقله
كل انسان ليه اسلوبه وطريقه تفكيره و ثقافته
اللي بتختلف مش ضخص لتاني
-19- لو رجع بيك الزمان انك تكون ف عصر احد الفلاسفة

تختار انهى عصر فيلسوف

وليه


ارسطو
الراجل دا مقلش حاجه صح
كنت حضحك كتير بجد

-20- شميت ف الموضوع انك زملكاوى
صح ولا غلط

هههههههههه
لالالالالالا
مش ناقصين فضايح
انا بشجع اليوفي " يوفينتينو "
الزمالك دا بيني وبينك

-21- صفة بتحمد ربنا انها فيك


السرعه او القدره ع الاستيعاب السريع
بسببها بنجح :d
-22- صفة بتتمناها انها تكون فيك


التنظيم او الجدية او الاتقان او الصبر
حاجات كتير
صفة بتدعى انها تروح منك
(ربنا ياخدها ياااارب)


البرود
بقالي فتره بتعصب بسرعه
ودا غلط اوي ع فكره
-23- نفسك تكون زى حد

مين



يعني الشخصيه اللي بتمني اوصل لمستواه الفكري بجد
انيس منصور
يعني زي دا
اسلوبه بسيط وجميل جدا بتمني اني اوصل فعلا لاسلوب اشبه بدا
وكثقافه اظن ان عدد الكتب اللي قراها اكتر من 70 الف كتاب

-24-

وضح


مظنش انه محتاج توضيح
او لو محتاج توضيح
حيغيب وانا ابتديت ازهق
انتوا لو بتسألو سؤال او اتنين
بس نعمل ايه

كفاية عليك كده دلوقت
فاتح شهية
ليا عودة باذن الله

لا صلي ع النبي بقي
انا حجاوب ع السؤالين الباقيين العصر
وحسافر بكرا
ياتكوا نيله خنقتوني
حتي الكرسي مش مريح
متكسر وحالته بالبلا
بطلوا بخل وهاتوا كرسي عدل


===========

آسف جدا كان نفسي اكمل
بس مش مشكله
كفايه اوي كدا

اشوفكم ع خير او شر متفرقش كتير
المهم ابقي اشوفكم ع اجازه الصيف