[أسيل رزق]

بصى يا هند

من يوم ما دخلتى الإدارة وبحس إنك بتعاملينى بكره او إجتناب شديد .. و بتزعلى من أقل حاجة بتحصل مش فاهمة ليه؟؟

و بالنسبة للإدارة هى زفت فى نظرى .. المنتدى فيه لخبطة ومشرفين كتير مالهمش لازمة وناس كمان فى الادارة مالهاش لازمة

بس الكلام مش عليكى لواحدك ولا على شخص بعينه

انتو كلكم مشتركين فى اللى بيحصل فى المنتدى

بسم الله ما شاء الله بدخل المنتدى ألاقى ألوان كتير موجودة يعنى الرقابة والإدارة موجودة " منظر " مش أكتر

كل ساعة خناقات و مشاكل ومش بتتحل إلا بالوقف و غلق المواضيع و حذفها

مع إن المنتدى بقى فيه ناس جامعيين كتير

لكن مش فاهمة المشاكل دى مش بتحاولوا تحلوها بهدوء

انتو نفسكم مش متعاونين ولا بتحبوا بعض ومن ورا بعض بتقولوا كلام على بعض .. ويمكن فيكم اللى بيكره التانى وبيمسكلوا على الواحدة ومابيصدق فرصة تيجى علشان يطلع فى التانى القطط الفطسانة

مع إن المفروض إنكم تكونوا مثل أعلى للأعضاء فى المنتدى وقدوة مع إحترامى .. تصرفاتكم مايعملوهاش أطفال فى كى جى

المشرف والمشرف الادارى والمدير مش بمجرد مجهوده وعمله فى المنتدى ده واجهة للمنتدى .. لازم يكون فاهم هو بيعمل إيه و بيتصرف إزاى مش بس فى المنتدى لكن كمان فى حياته الطبيعية ..

لو تحبى كلام تانى أنا مستعدة .. بس بدل ما تحبطى نفسك وتضايقى نفسك وتشيلى منى وتزعلى علشان بقول حاجة شيفاها بعينى حاولى أو حاولوا تصلحوا نفوسكم من بعض و تكونوا متعاونيين أكتر لصالح المنتدى

و أنا مش واخدة فكرة وحشة عنك ولا حاجة .. ربنا العالم إنى بحبك وحُبى ليكى خلانى أقول الكلام ده ولو أنا بس اللى حاسة بكده يبقى أنا متخلفة عقليلاً ولازم أتعالج

أسعدنى تعليقك عليا و أرجو ماتزعليش منى وتقبلى كلامى