النهاردة الدكتور "عمرو طلعت" وزير الاتصالات وتكنولوجيا المعلومات والدكتور "طارق شوقي" وزير التربية والتعليم والتعليم الفنى كانوا في جولة تفقدية في مصنع الحاسب اللوحى "التابلت" الجديد المقام في مجمع مصانع سامسونج فى محافظة بنى سويف، واللي بيتم إنشاؤه باستثمارات حوالي نص مليار جنيه فى إطار استراتيجية الدولة لتوطين التكنولوجيا وتعميق التصنيع المحلى للتابلت التعليمى وفى ضوء المبادرة الرئاسية "مصر تصنع الإلكترونيات"..
ليه الخطوة دي في غاية الأهمية؟..
إنشاء المصنع هيوفر حوالي 500 فرصة عمل، وهيوفر التدريب لعدد ألف فني على أحدث التقنيات.. الجميل إنه تم الانتهاء من أعمال البناء للمصنع في منطقة كوم أبوراضي الصناعية في مركز الواسطى في بني سويف وبدأ التشغيل التجريبي عشان يكون الأول من نوعه في الشرق الأوسط، ومرحلة الإنتاج الفعلي هتبتدي في مايو وهيتم إنتاج أكتر من 700 ألف تابلت في منتصف العام الجاري..
وزير الاتصالات د."عمرو طلعت" قال في تصريحات صحفية خلال الجولة إن انشاء المصنع هيسهم فى نقل تكنولوجيا غير مسبوقة للدولة المصرية فى تصنيع التابلت بقيمة مضافة محلية مستهدفة هتوصل لحوالي ظ¥ظ*ظھ فى اطار جهود الدولة لجذب الاستثمارات الأجنبية وإقامة شراكات عالمية بهدف تعزيز الصناعة المحلية فى المشروعات القومية..
بالمناسبة.. طاقة المصنع مش مقتصرة بس على الحاسبات اللوحية اللي محتاجاها وزارة التربية والتعليم لكن بتتجاوزها للضعف لإن الاتفاق تم على توفير باقي الكمية للطلاب في كل المراحل التعليمية وللخريجين وكمان التصدير للخارج!.. ده غير إن فيه خطة لتطوير المصنع عشان يبقى له دور في تصنيع الهواتف المحمولة مع برضه انشاء مدرسة تقنية هتقيمها وزارة الاتصالات وتكنولوجيا المعلومات ووزارة التربية والتعليم فى المنطقة التكنولوجية في بنى سويف.. شركة سامسونج العالمية هتوفر في المدرسة المناهج التدريبية والمدرسين والوزراتين هيوفروا المكان بالإضافة لتولى مسئولية الاشراف على العلمية التعليمية لتخريج جيل جديد من المتدربين على أحدث التقنيات فى مجال التصميم والتصنيع الإلكترونى..
كلمة "صنع في مصر" ما بقتش حلم بعيد أو شيء بنسعى له لكنها النهاردة شيء ملموس على أرض الواقع.. ومش مجرد صناعة وخلاص لكنها صناعة في واحد من أهم المجالات اللي ليها قيمة عالمية.. المصنع هيوفر منتجات كنت بتستوردها، هتبدأ تصدر للخارج، هتساهم في توفير آلاف فرص العمل، هتدرب عشرات الآلاف من الفنيين والعمال، وهتعزز جهود التنمية للصعيد..
في الجمهورية الجديدة مصر لما بتقرر وبتخطط بتنفذ وعلى أعلى مستوى.
#بالعامية_المصرية
__________________
ابتسم ... كن متفائلا ... وقل الحمد لله 
|