[أحمـدنجـم]

المشاركة الأصلية كتبت بواسطة محمد على2007

النصر جاى

لما الرصاص طالنى
قتلنى
كتبت بحروف دمى
حرفين
وقعت قنابل شتت
بددت اللى كتبته
(غين و زين )
القنابل الفوسفورية
اللى نازلة فينا تقتل
اللى طايحه تجرى ورانا
تجرى العيال
مش خايفه منها
العيال مش خايفه موتها
العيال خايفه لترحل قبل ما تشوفكيا غزه
رافعه راسك
قبل ما تدوسى اللى داسك

كل القنابل
والقذائف
والشظايا
ف قلوبنا ترسى
ترسم فى لوحة الوطن
حبك يا غزه
أرسم بدمى عيون حبيبتى
تجرى عروقى
شايله شوقى
تبعت رسايل للعرب
ياناس يا هووه
كل طفل عندكم فى حُضن أبوه
واحنا عرايا
واحنا ف صدورنا كوم رصاص
احنا خلاص
حبة جماجم
مرميه فى وسطك يا غزه
مش لاقيه قبر يضمنا
مش لاقيه دنيا لحلمنا
ضاقت بنا
كل الطرق
تاه بعضنا
مش لاقى بعضه
غصن الزتون
مش لاقى أرضه
ومعادنا فوق
عند جنة ربنا
والنصر جى
--
محمد على يناير 2009

بدون مجاملة .. تلك أجمل قصيدة عامية قرأتها عن موضوع (غزة) تحديداً ومن الواضح أن شاعرنا لم يجتهد في كتابة تلك القصيدة ومن الواضح أنها خرجت منه دفعة شعورية واحدة بلا تعديل ولا تنقيح فجاءت المشاعر تلقائية صادقة .. مصورة لما تجيش به النفس من مشاعر وآلام وتطاحن وتضارب تشبه تضارب الأمواج والصخور على الشطآن .. أخي الغالي محمد .. كم أمتعتني قصيدتك .. وكم شعرت بزخات الرصاص تهطل على أطفال لا ذنب لهم ولا جريمة اقترفوها سوى أنهم ينتمون لأمة غافلة ناعسة الطرف بل غاضة الطرف عما يحدث ريثما ينهي العدو مهمته ويقضي على فريسته وبعدها المبادرات والمفاوضات ومن مات مات ومن قتل قتل ومن سال دمه سال دمه .. ولكن سيبقى هذا الدم يجري أنهاراً فوق رقاب كل من خان كل من تواطء كل من تباطء عن نصرة هؤلاء الأخوة والأبناء والآباء في غزة .............