اقتباس:
المشاركة الأصلية كتبت بواسطة _GUIDE_
للاسف دخلت فى اخر النقاش
انا بس عايز اقول حاجة بسيطة
كلامك ياسعيد جميل جدا ومتدين وحاجة زى الفل
ومفيش عليه غبار
بس لفت نظرى جملة هنا
اقتباس:
|
اللى يمشى على مبدأ يطبقه كله يايسيبه كله
|
بمعنى المنتدى هنا فيه بنات يبئا انتا مش هتكلم بنات على الاميل
يبئا مش تكلمهم فى المنتدى ولا ترد عليهم
|
صاحب الموضوع يقصد بالكلمة دى
ان لو بنت مثلا حطت لنفسها مبدأ انها مش هاتكلم شباب عالميل
يبقى مفيش استثناءات
وده زى اخويا .. وده زى ابن عمى
---
بالنسبة للمنتدى
رد عضوة على موضوع عضو او العكس مش جريمة
طول ما فيه التزام بحدود معينة ف الكلام
والحدود دى كل انسان بيحطها لنفسه
اقتباس:
المشاركة الأصلية كتبت بواسطة _GUIDE_
هتقولى دى حاجة قدام الناس
هقولك فى حاجة اسمها الرسايل الخاصة
ممكن نلغى الرسايل الخاصة
مستحيل طبعا
|
مستحيل ليه ؟!
فيه خاصية ف الخيارات بعدم استقبال رسايل خاصة
يعنى اللى مش عايز يكلم بنات واللى مش عايزة تكلم شباب
يلغوا الرسايل الخاصة
وده يعتبر جزء من المبدأ
وفيه كتير بيتجاهلوه
وبيعتبروا ان الرسايل الخاصة عادى جداا ومالهاش علاقة بالموضوع ده
اقتباس:
المشاركة الأصلية كتبت بواسطة _GUIDE_
ومينفعش نعمل منتدى للبنات ومنتدى للشباب
دى تبئا تفرقة عنصرية من وجهة نظرى
|
هو يا اما هزار وتهريج واستظراف
يا اما منتدى بنات ومنتدى شباب
وبعدين كل واحد وهو بيسجل ف منتدى عارف انه هايلاقى فيه بنات وشباب
وعارف ان هايكون فيه ناس كويسة وناس ...
وبما انه هو اللى اختار وسجل
يبقى يتحمل نتيجة اختياره
او يسيب المنتدى اصلا
عموما فكرة لطيفة
اعملوا استفتاء
اقتباس:
المشاركة الأصلية كتبت بواسطة _GUIDE_
يبئا الحل ايه للكلام بتاعى اللى انا حاسس انه كلام وسط الكلام وهرس وسط البطاطس اللى فى الموضوع
ما على الرسول الا البلاغ المبين
انتا بلغت وخلاص
مفيش داعى بئا نقول كلام ملوش لزمة
ثم ياسعيد باشا سياتك عملت حاجة من وجهة نظرك ومن وجهة نظر الشرع زى ما بتقول حلال
دى حاجة بينك وبين ربنا
انتا بتعتبر ان بتحس الغير على انهم يعمله زيك وبتعرفهم انك عملت كده علشان يمشه على خطاك
مش هعرضك ده من حقك
ومن حق الغير برضه انه يقبل الفكرة وينفذها وانه يرفضها
|
no comment
اقتباس:
المشاركة الأصلية كتبت بواسطة _GUIDE_
ومش هتكلم عن الناس الظريفة اللطيفة ام دم خفيف اللى دخلت
لبست عباءة التقوى وعمامة الفلاح
وشكره فى الكلام وقاله صح وتمام وجزاءك الله خير
وهما بيقوله كلام جميل وكلام مظبوط وتلقيهم
بيكلمه الولد من دول شات فى نفس اللحظة
وبيقوله ثوانى ارد على موضوع
اصل انا قولت فى الاول انه كله هرس بطاطس
|
ما هو الكلام صح .. اوكى هما شايفين كدة
بس مش كل اللى شايف الصح بيطبقه
من غير ما ندخل ف اسباب
مش معنى ان واحدة ردت وقالت كلام مظبوط انها مش بتكلم شباب
ومش معنى ان واحد رد وقال كلام صح انه مش بيكلم بنات
وف الاخر
ربنا بس هو اللى هايحاسبنا
