أخي الحبيب
من حقك أن تنتقد كما شئت و تقول كل ما بداخلك
لا تقلق
قل ما تشاء
و كلنا كمشرفين أذان صاغية
و لكن و لأني أحب النقاش الهادئ الناقد المفصل و الرد كل منا علي الاخر
فدعني أرد علي كل نقطة علي حدة
و أتمني أن يتسع صدرك و تفهم وجهة نظري كما أريد أن أوصلها إليك
اقتباس:
المشاركة الأصلية كتبت بواسطة medotops
1- ان معظم الموضوعات المثبتة هى للمشرفين
|
أخي الحبيب
تعالي نتناقش بالعقل وواحدة واحدة كده علشان انا بحب أفصص الكلام
و ماتعديش كلمة كده عبارة عن اتهام مالوش اساس من الصحة
أولا اربع موضوعات هي المثبتة الان
تعالي نشوفهم مع بعض
الموضوع الاول (قسم خاص لاستفسارات شئون العاملين )
http://www.thanwya.com/vb/showthread.php?t=98528
و صاحب الموضوع ده مش مشرف علي فكرة انما عضو فاضل افضل من كثير من المشرفين
بذل وقته وجهده في سبيل خدمة القسم والزملاء وكتب موضوع أشد ما يكون الاحتياج اليه
و بنشاطه الغير عادي ما شاء الله حقق موضوعه نجاح كبير بارك الله فيه ونفعنا من علمه
موضوع فعلا يستحق التثبيت عن جدارة
الموضوع الثاني : أفضل مواضيع قسم الكادر
http://www.thanwya.com/vb/showthread.php?t=92700
و هذا الموضوع لي....و قد قمت بعمل هذا الموضوع بعد نداءات و نداءات و رجاء و تحفيز للاخوة الاعضاء أن يشاركوا في هذا الموضوع ويقوم أحدهم بعمله وسأقوم أنا بتثبيته و لم يشارك أحد إلا القليل القليل...فاضطررت أنا لعمله و بما أنني مشرف وهذا من صميم عمل المشرف لانه موضوع يعتبر فهرس للموضوعات الهامة بالقسم و أنا مازلت أعمل فيه الي اان لانه يحتاج الي وقت طويل لكثرة الموضوعات و طول الوقت المطلوب في تقييمها و انتقاء الافضل لوضع رابط له في الموضوع
و لن أتحدث كثيراعن أهمية هذا الموضوع ..فكل ذي عقل يعلم جيدا مدي اهمية فكرة كهذه
حيث سيسهل كثيرا علي الاخوة الافاضل القدامي والجدد الوصول السريع الي الموضوعات الهامة التي تمثل عصارة مجهود كل المجتهدين في قسم الكادر منذ انشاءه بالاضافة الي انها صميم موضوعات قسم الكادر التي لا غني عنها لانها الأهم في القسم...فكان لابد من موضوع مثل هذا يريح الكثيرين من عناء البحث بين الصفحات الكثيرة...و لقد لمست بنفسي كم الارهاق و التعب لمن يحاول ان يبحث عن موضوع معين بين صفحات الكادر....و لن يقوم بهذا العمل غيري كمشرف...و أسألك بالله لماذا لم تفكر أنت في عمل كهذا تخدم به زملاءك في القسم؟؟؟
و الله العظيم يا أخي لو كنت عملتها كان تم تثبيت الموضوع فورا بدون نقاش أيا كان اسم صاحب الموضوع... وبالرغم من كل ذلك ومن اهمية الموضوع لنا جميعا كنت اقوم احيانا بالغاء التثبيت عنه و لو لفترة حينما يتطلب الامر ذلك لكثرة الموضوعات المثبتة ...فكنت عندما افكر في الغاء تثبيت موضوع من الموضوعات لكثرة الموضوعات المثبتة اول ما كنت اقوم بالغاء التثبيت عنه هو موضوع مثبت لي انا مهما كانت اهميته .....
الموضوع المثبت الثالث:
http://www.thanwya.com/vb/showthread.php?t=96602
العربي والتربوي والاختبارات والاوتوتست لكافة التخصصات
و قولي بقا بالله عليك يا اخي لو الموضوع ده ماتثبتش يبقا ايه اللي يستحق التثبيت؟
ده بقا الموضوع الاهم علي الاطلاق لانه فيه معظم الموضوعات الهامة لعملاقة القسم لخدمة الجميع
و بعدين كان لازم دمج موضوعات الكادر في هذا الموضوع لانها واخدة مساحة كبيرة في الموضوعات المثبتة وبالتالي بتأثر علي حجم صفحة الكادر كلها ...فالدمج ده حصل لخدمة قسم الكادر
و تنسيق و تنظيم لابد منه ... والا ما هو عمل المشرف غير التنسيق و التنظيم و خدمة الاعضاء؟
و موضوع الدمج ده ماكنش هينفع حد يقوم بيه الا المشرف نفسه لانه الوحيد اللي معاه الصلاحيات دي في قسمه مش الاعضاء .. وبالتالي ده واجب علي المشرف و عمل مرهق مش شئ نتحسد عليه !!!
و بعدين موضوعات ايه المثبتة دي اللي الواحد عايز ياخد مساحة فيها كمشرف اوي و تهمنا؟
ياراجل حرام عليك
الواحد مشترك في مليون منتدي و مشرف في اكثر من منتدي هنبص لمساحة صغيرة زي دي علشان ناخدها لحسابنا؟ ده كلام برضه؟
أرجوك أحسن الظن بنا قليلا
الواحد مش فاضي اساسا للكلام ده نهائي...احنا في ايه و لا في ايه بس؟
و الله العظيم يا اخي كل اللي يهمني كمشرف ان يظهر القسم ده باحسن صورة في المنتدي و لا يناله اي نقد...ده كل هدفنا كمشرفين..و قولي بالله عليك..الاستاذ جمال اهو مشرف هل ليه موضوع مثبت؟؟؟
الاستاذة امال مشرفة هل ليها موضوع مثبت؟
الاستاذ محمد مشرف الركن اهو مشرف ...هل ليه موضوع مثبت؟؟؟يبقا مشرفين ايه بقا اللي محتلين المنطقة؟
الموضوع الرابع
http://www.thanwya.com/vb/showthread.php?t=97923
جدول المراجعات النهائية في الغرفة الصوتية
و ده للاستاذ عصام مدير الموقع وده دعوة منه للمشاركة في الغرف الصوتية لجميع المعلمين في المنتدي و بالتالي في غاية الاهمية ولمصلحة الجميع وخصوصا الطلبة اللي المنتدي ده اساسا معمول عشانهم فالموضوع في غايو الاهمية ويجب تثبيته لفترة حتي يشارك الجميع
هذه هي الموضوعات المثبتة اخي الكريم
قولي بالله عليك ايه الشاذ في الموضوعات المثبتة؟و ايه الموضوع اللي فيهم لا يستحق التثبيت؟
و بعدين تعالي هنا
فين الموضوع المثبت اللي حضرتك عملته يستحق التثبيت و لم يتم تثبيته؟
تحب اضع للجميع روابط موضوعاتك و نشوف مدي اهميتها و هل مناسبة لقسم الكادر ولا لا؟؟
اخي الحبيب لا تنسي ان قسم لكادر و مكتوب فوق قسم خاص باختبارات واخبار ونتيجة الكادر الكادر الكادر وفقط [/quote]
اقتباس:
المشاركة الأصلية كتبت بواسطة medotops
|
اقتباس:
المشاركة الأصلية كتبت بواسطة medotops
2- يلاحظ المجاملات الصارخة بين المشرفين فى ردهم على موضوعات بعضهم البعض
|
لالا ياريت بلاش كلام بدون دليل
سنحترمك كثيرا اخي الفاضل اذا اتيت هنا في موضوعك هذا بروابط المشاركات اللي انت شايف انها مجاملات و انها موضوعات لا تستحق الشكر والتقدير من الجميع
كلام بدون دليل ما بيجبش معانا خالص.. ولا يمثل اي اهمية الحمد لله
دايما ياريت تدعم كلماتك بالدليل
و الا فلنصمت احسن
و ايه بعضهم البعض دي يا اخي؟
احنا عصابة؟؟؟
امال لو في مقابل مادي من الاشراف علي اقسام المنتدي كنت قلت ايه؟؟؟؟؟؟؟؟؟؟؟؟
و بعدين الموضوع الجميل يستحق الشكر و لا ايه رايك؟
و لا من الطبيعي ان لو فكرة كويسة اتعرضت او موضوع في الصميم اننا كمشرفين نطنشه و مانردش؟ ونرد علي موضوعات الاخبار التعليمية اللي حضرتك بتجيبها و بتتنقل علي طول لقسم الثانوية و اخبار التعليم ومالهاش علاقة نهائي بقسم الكادر؟
مش عارف والله بجد الواحد احتار
اقتباس:
المشاركة الأصلية كتبت بواسطة medotops
|
اقتباس:
المشاركة الأصلية كتبت بواسطة medotops
3- معظم الموضوعات التى عليها نجوم هى فى الغالب للمشرفين
|
ههههههههههه
أضحكتني أضحك الله سنك
نجوم ايه بس يا رايق انت
يا سيدي كل موضوعاتك اللي جاية ان شاء الله هملهالك نجوم وعشرة من عشرة كمان
و في معلومة احب اقولهاك
موضوع النجوم ده اللي حضرتك مش واخد بالك منه ده مالوش علاقة بالمشرف نهائي
أي عضو ممكن يعطي النجوم دي في اي موضوع
النجوم دي اساسا عبارة عن تقييم للموضوع هتلاقيها علي رأس كل موضوع
انت بايدك ممكن تقيم موضوع اي عضو زي مانت عايز
و انا كمشرف لا يشغلني موضوع النجوم ده نهائي
بس عايز اسالكسؤال و ترد عليا بامانة
انت جايب الروقان ده منين؟؟؟؟
اقتباس:
المشاركة الأصلية كتبت بواسطة medotops
ولكن اقول لة ان منتدى المعلمين هوبيتنا واسرتنا واشعر اننى بين اهلى واحبابى واخوتى ولذا
يتاح للكل ان يعبر عن ما يجول فى نفسة دون اى عوائق من المشرف
|
لا لا يا حبيبي
اختلف معاك بشدة
المنتدي مليان اقسام زي مانت عايز
اختار القسم اللي تحبه وابدع فيه زي مانت عايز
انما تقولي بيتنا واسرتنا فتقوم جايب في قسم الكادر موضوعات مالهاش علاقة نهائي
ده شئ مايرضاش بيه حد
و سؤال بقا برضه مهم هسألهولك
لو ابن حضرتك تعبان او مريض لا قدر الله
ترضي انك تتصل علي مهندس معماري و تقولوا تعالي اكشف علي ابني علشان مريض؟؟؟؟
اعتقد ان التخصص مطلوب و ماينفعش الامور تبقا عايمة كده ابدا
و الا
ما فائدة ان نكتب علي قسم الكادر (( قسم الكادر)) و علي قسم الرابطة (( قسم الرابطة)) و علي القسم العام (( القسم العام))
لماذ اذن هذه المسميات مادام هنكتب اي موضوع في اي مكان لاعتبارات الصداقة والزمالة والاخوة و الجدعنة
طب وده يبقا اسمه كلام؟
يعني واحد داخل زائر للمنتدي يدخل قسم الكادر يلاقي موضوعات عن الاهلي والزمالك و اهداءات
و اخبار عن كذا وعن كذا مالهاش علاقة بالقسم ...ساعتها المنتدي بأكمله هيفقد مصداقيته
و لا هتلاقي قسم كادر ولا غيره
ياريت تكون فهمتني علشان الموضوعات دي مافيهاش نقاش
العقل السليم لابد وان يحترم التخصص
اقتباس:
المشاركة الأصلية كتبت بواسطة medotops
|
اقتباس:
المشاركة الأصلية كتبت بواسطة medotops
حتى وان تعرض المشرف
لانتقادات على ذلك من هنا او هناك نتيجة لان الموضوعات ليست فى صميم الصفحة
|
من غير انتقادات ولا حاجة
من صميم عملي اني لا اسمح بموضوعات مخالفة للقسم
و بعدين ماحنا ممكن برابطة المعلم كده واحنا اصدقاء برضه و بالجروب كله نخش اي قسم تاني ونتحرك في المنتدي بجميع اقسامه زي ما احنا عايزين
احنا ليه مربوطين هنا؟؟؟؟
يعني مثلا الاخت نور الفاضلة (( شمس بياض )) وجدت ليه موضوع في قسم (( خبر وتعليق )) عن العلاقات بين الازواج و كيف ينبغي ان تكون و موضوع غض البصر و قضايا اخري
و دخلت في الموضوع و تحدثت و كان موضوع رائع
هل لابد ان يكون هذا الموضوع في قسم الكادر حتي نرد عليه وندخل ونشارك فيه؟؟؟
الموضوع ليس له علاقة نهائي بقسم الكادر...فهل يموت بين الصفحات في الاقسام الاخري لاننا لا ندخل المنتدي الا من اجل قسم الكادر؟؟؟؟؟؟؟؟؟؟؟؟
المنتدي ملئ اخي الكريم بالاقسام الاخري الهامة
موضوعك ينبغي أن تنتقي له مكانه المناسب
و أرجوك لا تحاول اقناع احد بفكرتك هذه لانه اولا لا يقتنع بها العقلاء
ثانيا لن أقبلها انا نهائيا مادمت مشرفا هنا في قسم الكادر
و لا اي مشرف صادق يحب القسم ويخشي علي مصلحته واستمراريته
أقول لك بصوت واضح لا لبس فيه
أي موضوع مخالف لقسم الكادر سيتم نقله فورا الي مكانه المناسب
اذا كان يتم حذف موضوعاتك اخي الحبيب فهذا بسببك انت و ليس بسبب المشرف
انت من تسئ اختيار المكان المناسب لموضوعك فبذلك تحكم عليه بالموت
بنفسك
اختار مكان موضوعك المناسب ولن يستطيع احد الاقتراب منه مادام في مكانه
اقتباس:
المشاركة الأصلية كتبت بواسطة medotops
وخاصة ان غالبية المعلمين
|
اقتباس:
المشاركة الأصلية كتبت بواسطة medotops
ليسوا محترفى كمبيوتر ولايعرفون غير صفحة الكادر
فيا اخى مشرف الكادر رفقا بنا فنحن اخوة وزملاء وتجمعنا مهنة واحدة مع تقديرنا الكامل لمجهوداتكم فى تطوير القسم
|
موضوع اختيار القسم المناسب لموضوعك لا يحتاج الي احتراف في الكمبيوتر اخي الكريم
مش عايزين نلف وندور علي بعض
و نتكلم كلام غير محسوب
هوا انا لما اختار قسم خبر وتعليق مثلا علشان اكتب خبر فيه
و اختار قسم حي علي الفلاح علشان اكتب موضوع اسلامي
و اختار قسم الكادر علشان اكتب موضوع يخص الكادر
ده محتاج كورس في الكمبيوتر؟؟؟؟؟؟؟؟؟؟؟؟؟؟؟؟
ده مش محتاج شئ نهائي غير قليل من الفهم و العقل