[JusT DreaM]

المشاركة الأصلية كتبت بواسطة Sharp Nails

السلام عليكم

وعليكم السلام ورحمة الله وبركاته

ازيكوا ياجماعه يارب الكل بخير ان شاء الله
الحمد لله
ازيك انتي يانيسو وحشاني
النهاردة الموضوع عجيب حبتين
ندخل فالموضوع

طبعا كلنا ملاحظين عدد البنات المهول الى فى كل حتة
فالشارع بنات فالمدرسة بنات فالجامعة بنات فالتلفزيون بنات
...............................................

المهم انا جيت فى بالى كدة وقولت اشوف كدة السيكشن بتاعى
فيه كام بنت وكام ولد
_وياريتنى ما شوفت_
لقيت 60 بنت واربع ولاد
الولاد مش ليهم مكان في الكليات
مش عارفة الكم المهول من الولاد اللي بيقو في الشوارع
بيروح فين
في سكشن بتاع واحد صحبتي مفيهوش غير ولد واحد
بيروح يحضر بره
طب والحل
البنات دية كلها هتتجوز امتى وازاى ؟؟!!!
واكيد دة سبب كبير فى العنوسة
ان البنات تقريبا ضعف الولاد ويمكن اكتر
كل واحد ولد قدامه تلاته بنت
طب نتكلم عن الشاب الاول
يجى ياعينى الشاب من دول يخلص الثانوى وفرح بمجموع حلو
دخله كلية طب _وياريته ما دخل _خد عندك
7 سنين دراسة اخد شهادة التخرج وفرح
يلاقى نفسه 3 سنين جيش يخرج مالجيش
لسة بيقول صباح الخير يامصر
وهو عنده كام سنة 27 دة اذا اخد الكلية صافى السنة بسنتها

وكذلك نفس المعاناة شباب صيدلة وهندسة
ووهي 27 سنه قليله
على فكرة ده احسن سن لجواز الولاد عشان يكونو نضجو فكريا
يعني بقو رجالة وقادرين يفتحو بيوت
لكن بتوع تجارة واداب والذى منه يمكن هما وخدين من الطيب نصيب
يابنتي فين الطيب اللي واخدين منه نصيب
بتاع اداب يشتغل بالحصة ست سبع سنين لغاية لما يجيله العقد
ده ان جاله
ولا بتاع تجارة هيشغولوه مدير بنك

عالاقل بتوع طب وصيدلة وهندسة بيكونو ضامنين مستقبلهم واان وظايف مستنياهم
المهم يعنى دول الشباب ياعينى حالهم مايل
لا معاهم يعيشوا نفسم ولا معاهم يفتحوا بيت
معاهم ربنا

طب انا جيت بصيت كدة عالنماذج الى حوليا
لقيت من 37 لحد قولوا 50 سنة كدة
ماشاء الله ميسورى الحال وبدل العربية اتنين
وعنده شركة او مكتب او عيادة او غيره
وماشاء الله يعنى ربنا فاتح عليهم وخلاص وقفوا على رجليهم
وكونوا نفسهم حلو اوى

فبقول لوحدة صحبتى
اية المانع لما الراجل من دول يتجوز بدل الواحدة اتنين او تلاتة ؟؟!!
_ياريتنى ما قولت برضه_كانت هتحدفنى تحت عربية
كويس انها محدفتكيش
هى شايفة ومقتنعة ان مش من حق الراجل يتجوز طالما الست الى متجوزها مفهاش عيب
لا مش حكاية مش من حقه
قولتلها طب ما ربنا محلل اربعة للراجل ومش لازم هو يتجوز
بردو بنختلف في حكاية محلل دي
عارفة امتى يتحلل للراجل انه يعمل كده
لما يكون معاه فلوس كتير عشان ميظلمهمش هما الاتنين
يقدر يعدل بينهم في كل حاجة في الاكل واللبس والفلوس والمعامله
ممكن نبعد الحب عشان الحب مش بايد الواحد
والرسول كان بيحب السيده خديجة اكتر من كل زوجاته
بس تخيلي كده
جاب فستان لواحدة لازم يكون جايب للتانية
عزم واحده يعزم التانية
ده حتى وجع دماغ
لما الناس مش عارفة تعدل بين عيالها
عشان الاولانيه فيها حاجة
اية المانع لما هو مقتدر انه يتجوز البنات دية
وان الراجل بيقدر انه يحب اكتر من واحدة فى وقت واحد
بس هى كان ردها عنيف اوى
قالتلى انا لو اتحطيت فالموقف دة
وجوزى اتجوز عليا هقتله واقتلها

بس ان من وجهة نظرى ان دة من حق الراجل وان ربنا محلل كدة
ولو بصينا عليها من الجانب الدنيوى
هنلاقى ان كل زوجة هتحرص انها تكون احسن واحدة فالتانين
وهتحرص انها تريحه اكتر من الباقى
وبكدة الكل هيكون مرتاح
لا متهيألك
لما كل واحده تحرص انها تكون احسن من التانين
هتتعب هيا
هيتعبو كلهم
وهيكون في غيرة جامده

انا مش شايفة اي مانع من الموانع

انتي بتقولي كده عشان متحطتيش في الموقف ده
بس لو اتحطيتي اكيد هتغيري رأيك
انتوا اية رأيكوا

لو كنتى بنت
تقبلى تكونى زوجة تانية او تالتة او رابعة
او تكونى زوجة اولى وجوزك يتجوز عليكى
هتكونى راضية ولا لا؟؟مع ذكر السبب طبعا

لو كنت شاب قول رأيك فالموضوع وربنا معاك

انا ممكن اقبل على حسب الموقف
يعني لو انا الاولانيه مثلا وفي ظروف جامدة واسباب مقنعة انو يتجوز
انا اللي هدورلو على عروسه واجوزهالو

لو انا التانية بقى
وواحد جايلي مراته مش فيها اي عيب او اي حاجة
وعاوز يتجوزني طبع مش هوافقك
لانه زي ماتجوز عليها هيتجوز عليا
ومش بعيد يطلقنا لو عاوز واحده تانية
انما لو واحد مضطر مثلا انه نفسه في اطفال
ومراته مش يتخلف
ده اوافق
ودي الحاجة الوحيده اللي تخليني اوافق
اني اكون زوجة تانية
بس مش في اي عمر
يعني مثلا مش ابقى عيله عندي 20 ولا واحد وعشرين
وجاييلي واحد سبعة وثلاتين
ومتجوز واوافق
طيب مانا ممكن يجيلي احسن
ومش لازم ابدأ حياتي مكلكعة
وانا ممكن ابدأ مستقرة
توبيك جامد يانيسو