السلام عليكم
ايوة فعلاً يا نور.
أنا كنت هكتب الموضوع ده والله .[بص حصلت ظروف بقى]
المهم , مستر محمد مظلوم والله.
إحنا الي أجبرناه على كده , يعني هو ذنبه أن الغرفه مش شغاله ؟
وبتطرد معظمنا كل شويه؟
والصوت بيقطع؟
والبورد بتتمسح؟؟
إحنا لما لقينا إن الغرفه مش شغاله طلبنا منه انه يدينا على الياهو .
عشان الامتحانات على الابواب.
وهو الحمد لله ما قصّرش معانا , كان يقدر يقولنا لا وشفوا مدرس في الغرفه عشان مايحصلش مشاكل.
وهو عشان واثق فينا , و عارف أننا مابقناش صغيرين على الكلام الفاضي بتاع الصغيرين دول.
وافق أنه يدينا على الياهو.
وفعلاً قال لنا أي ولد يدايقنا نروح نقله , والحمد لله مفيش أي ولد عمل أي حاجه غلط مع أي بنت.
وهو كمان نبه على الصبيان أنهم يعتبرونا زي أخواتهم , وأنهم ما يختلطوش بينا خالص إلا في وقت الضروره القصوة ,
وكمان ده بيكون بعلم المستر . [يعني نقوله ان فلان طلب منى كذا .., او علان قالي كذا..]
وده والله اي بيحصل وهيحصل , لأننا مش فاضيين للكلام الفاضي ده .
إحنا في وقت إمتحانات ..
ومفيش وقت خااااااااااااااااااااااااالص.
و مستر محمد والله ما قصرّش معانا , ده حتى عمل موضوع كامل عشان أسئلتنا.
وفعلاً جاوب عليا.
ثم أنا عندي تعليق صغير أوي..
إحنا لو عايزين نعمل حاجه غلط , ومكناش حتى بناخد الحصه على الياهو.
إحنا ممكن نتعرف على بعض من المنتدى نفسه وده سهل أوي عن طريق الخاص.
ومتهيألي محدش هيعرف ولا حد هشوفنا.
ولاننا عارفين أن ربنا شايفنا وعالم بالي إحنا بنعمله , أكيد هنخاف نعمل حاجه تغضبه.
وفي حاجه حد كبير قالهالي زمان "الي بيشيل قربه مخرومه بتخر على دماغه".
وفي حاجه كمان "الي عايز يعمل الغلط بيعمله ولو قدام الناس كلها".
وعشان كده أنا بتظلم الاداره أنهم أوقفوا مستر محمد .
الي كلنا بنعتبره والد لينا .
وبنقله على اي حاجه ممكن تضايقنا في الدرس .
واحنا ما بنلاقيش اي اعتراض منه.
ولاني عارفه ان الاداره , اداره عاقله ونزيهه
أكيد هتتصرف بسرعه بافضل حل..
وأرجو أن حضراتكم تعتبرونا كبار وعاقلين.
لان حضراتكم بالطريقه ده بتهنوونا احنا.
لان معنى كلام حضراتكم اننا مش مؤدبين , وممكن نسمح بالغلط يحصل.
وأرجو أن يكون كلامي وصل بالمعنى الي عايز اوصله.
وانا اسفه على كلامي الكتير..
|