[اوركيديا]

احم
الواحد حيحاول اهو يرد

المشاركة الأصلية كتبت بواسطة احمد رضا

|| رؤية جديدة ||
امتداد لـرؤي فكرية في ظل الحياة العصرية
******
الحقيقة الكثير يدركها ولكن قلائل من يعملون بها
اها فعلا بحس الحكايه دى فعلا كتير
الواحد يكون عارف الحاجه
و عارف ايه الصح و ايه الغلط
بس انه يقدر ينفذ اللى هو عارفه
تلكم هى المشكله

عشان كده نلاقى الفرق بين معرفه الكتب
و معرفه الحياه

******
عندما كان طفلا ً رأي اللون الأبيض فاعتقد ان كل شئ أبيض .. وعندما صار طفلا أكبر أدرك ان هناك لونا ً يسمي أسود فاعتقد ان كل شئ أسود .. وعندما رأي ما بينهم فقد الثقه فيهم وفيما بينهم لان لربما هناك ألوانا ً أخري لم يدركها بعد !!
امممممممم
صراحه فاهماها باكتر من وجه و اكتر من معنى
هى ممكن تمشى على حاجات كتير

******
ليس كل ما أقوله هو ما أعنيه بكل قد تكون وسائل لتوضيح فكرة أخري

******
الحب هو هذا اللحن الذي يردده حبيبان .. المرأة لحنه والرجل كلماته .. بأحدهم فقط قد تصبح الحياة مملة ولكن معا ً يصنعان أجمل سمفونية لا تمل منها ابدا ً
امممممم
مع انى مش موافقه على حته لا تمل منها ابدا دى
امال مصطلح الغدر عرفه الانسان ازاى

******
علمونا في الماضي ان نحترم الكبير .. ولم يعلمونا مامعني كلمه " الكبير " !!
تؤتؤ
عشان هما مش كانوا بيحترموا الكبير
فمش علمونا يعنى ايه كبير
يعنى هى حلقه مفرغه
من لا يملك لا يعطى

******

من قال عن الحياة انها ليست جيدة فهو ظالم كل الظلم .. وإن كان هناك من جعلها غير جيدة .. فهو نحن من اساءنا فهم الاقدار ..
بالعكس الحياه كلها مش حلوه
هى دار الابتلاء و الاختبار
يعنى الانسان المؤمن حتلاقى كل حياته محن و ابتلاءات من عند الله
المهم اللى يصبر عليها

******
الحب هو ان تخُتصر كل معاني اللغة في كلمه واحدة " أحبك "
may be

******
الإنسان مزيج عجيب وغريب بين الحيوان الغير مهذب والملاك البرئ
اها
و بكده بتتحدد درجه حيوانيته
يعنى كل ما الطبيعه الهمجيه زادت
حتلاقيه اقرب للحيوان فعلا
و كل ما البراءه زادت
حتلاقى الرقى فى التعامل و الانسانيه
هى اللى غلبت

******

إن كنا نطلق علي انفسنا بشر لاننا نقف احتراما للكبير ونعطف علي الصغير ونعرف اين نضع حقائبنا واحتياجاتنا فيمكننا تدريب الحيوانات علي ذلك وستفعله بشكل افضل !!

******
ليس كل من يتألم يحب .. ولكن كل من يحب يتألم
ليه

******
ثمرة معطوبة لا يعني ان نجتس الشجرة من جذورها
نجتث بالثه مش بالسين
shame in you

نفس التفكير بتاع ان كل انسان جواه الحلو و الوحش
انك تشوف الوحش بس
و تحدد ان الانسان كله وحش
و مش يستحق حتى فرصه تانيه
يبقى انت كده حكمت على الشجره كلها
بفعل واحد هو الثمره المعطوبه دى
دور جوه تانى
اكيد حتلاقى اللب فيه خير
مش انسان

******
يجتمع الذباب علي القمامة .. كما يجتمع النحل علي رحيق الأزهار .. فلا تأخذها قاعدة للحكم
اها
التعميم فى 99% من الحالات بيبقى غلط
و مش بيخلى الا ان الانسان بيعتمد على شويه حكم
لو اتنفزت على حاله مش بتتنفز على خمسه قصادها

بس للاسف رغم ان الناس عارفه كده
تلاقيهم اول حاجه يعملوها
اطلاق الاحكام العامه
و التصرفات الرعناء

******
ان اقول " كل شئ فاسد حتي يثبت عكس ذلك " خير لي من ان اقول " كل شئ جميل حتي يثبت عكس ذلك "
تشاؤم

مع انى معاه
انك تقول ان الحاجه فاسده
و تكتشف لدهشتك الشديده
ان فيه فى النص حاجه لسه محتفظه بنفسها
يبقى انت كده حتفرح و تقول يااااااااه
الدنيا لسه بخير

اما بقى صاحبنا التانى
حيقول كله حلو
و يكتشف برده لدهشته الشديه
ان مفيش حاجه حلوه
حيروح ينتحر

******
لا تصدق كل ما تري إلا بعد ان تعرف ماهيته

******
عيون ُ الناس كمرآيا الملاهي .. احدهم يري انفك كبيرة . وأحدهم يري انفك صغيرة للغاية . والآخر يري ان لا هناك انف أساسا .. ولكن لا بأس .. ان اري نفسي بكل ِ تلك المرآيا لعل احدهم تعطيني صورة أقرب للصواب !!
جميله دى بجد
مفيش تعليق يليق عليها بجد

******
لا يعرفك جيدا ً إلا انت !!
تؤتؤ
مش كل انسان بيعرف نفسه كويس
عشان كده بيحتاج للصداقه
لحد تانى غيره
عارفه كويس
عشان بياخد بايده انه يعرف نفسه كويس

******
دمتم

الباقى بجد عايزه اتكلم فيه
بس اعمل ايه
الوفت ازف
و طبول الحرب تطرق

يلا بقى بعدين
بس يا ريت يكون الرد
كويس

و مش حقول الموضوع جميل ازاى
ربنا يزيدك يا رب


يلا فى رعايه الله